زیارات کے نام پر فراڈ، زائرین بے یار و مددگار، قافلہ سالار کیخلاف قانونی کاروائی

اسلام آباد (صدائے سچ نیوز) قافلہ سالار برائے زیارات ایران عراق غضنفر عباس کی کیخلاف زائرین کیساتھ بدسلوکی اور 7لاکھ روپے وصول کرنے کے باوجود زیارات کے سہولیات فراہم نہ کرنے کی شکایات ، متاثرہ شخص انصاف کیلیےدرخواست لیکر ایف آئی اے پہنچ گیا، سخت ترین کاروائی کرنے کا مطالبہ ۔

تفصیلات کے مطابق اسلام آباد کے رہائشی محمد حمزہ ولد عبد الحمید نے ڈائریکٹر ایف آئی اے کے نام درخواست میں غضنفر عباس نامی قافلہ سالار کیخلاف تحریری شکایت میں کہا ہے کہ ایران عراق زیارات کیلئے مجھ سے اور میری خالہ انیبہ زاہد سے 7لاکھ روپے وصول کیے اور نجف پہنچ کر ہمارے انتہائی بدسلوکی کی۔

مزید یہ کہ متاثرہ شخص کا کہنا تھا کہ ہوٹل رہائش،ٹرانسپورٹ اور کھانا دینے سے انکار کر دیا اور شدید بدتمیزی کی جس کی وجہ سے ایران کی زیارت سے محروم رہے اور اپنے خرچے پر ٹکٹ لیکر واپس پاکستان آگئے اس لیے مذکورہ کیخلاف سخت سے سخت کاروائی کی جائے۔