اگر امریکا میں ہمت ہے تو اپنے جہاز خلیج فارس میں لے آئے، ایران

تہران (صداۓ سچ نیوز) ایران نے کہا ہے کہ اگر امریکا میں ہمت ہے تو اپنے جہاز خلیج فارس میں لے آئے۔

ایران کی پاسداران انقلاب نے اعلان کیا ہے کہ آپریشن وعدہ صادق4 کے تحت حملوں کی 54ویں لہر شروع کر دی گئی ہے، جس میں خطے میں دشمن کے متعدد اہداف کو میزائلوں اور ڈرونز سے نشانہ بنایا گیا۔

پاسدارانِ انقلاب کے مطابق اس کارروائی میں پہلی بار سجیل میزائل کا استعمال کیا گیا، جبکہ خرمشہر،خیبرشکن،قدراورعمادمیزائلوں کابھی استعمال کیا گیا۔

بیان میں کہا گیا ہے کہ میزائل اور ڈرون حملوں میں خطے میں موجود چار امریکی فضائی اڈوں کو نشانہ بنایا گیا، ان حملوں کا ہدف اہم انفراسٹرکچر، کمانڈ سینٹرز اور ایئر ٹریفک کنٹرول ٹاورز تھے جبکہ امریکی فورسز کے متعدد دیگر اہداف بھی نشانے پر آئے۔

پاسدارانِ انقلاب کے ترجمان کا کہنا ہے کہ ایران اس وقت زیادہ تر وہ میزائل استعمال کر رہا ہے جو ایک دہائی قبل تیار کیے گئے تھے، جبکہ جدید میزائل ابھی استعمال نہیں کیے گئے۔

انہوں نے مزید کہا کہ اگر امریکا میں ہمت ہے تو وہ اپنے جنگی جہاز خلیج فارس میں لے آئے۔