ٹرمپ کا میئر شکاگو اور گورنر الینوائے کو جیل بھیجنے کا مطالبہ

نیو یارک (صدائے سچ نیوز) امریکی صدر ڈونلڈ ٹرمپ نے شکاگو کے میئر برینڈن جانسن اور الینوائے کے گورنر جے بی پرِٹسکرکو جیل بھیجنے کا مطالبہ کر دیا۔

انہوں نے الزام عائد کرتے ہوئے کہا ہے کہ شکاگو کے میئر اور الینوائے کے گورنر وفاقی امیگریشن افسران کی حفاظت کرنے میں ناکام رہے ہیں، حالانکہ اس الزام کے حق میں انہوں نے کوئی ثبوت پیش نہیں کیا۔

ٹرمپ کے یہ تبصرے ان کے سوشل میڈیا پلیٹ فارم پر پوسٹ کیے گئے ہیں۔

دوسری جانب ریاستی انتظامیہ کی مخالفت کے باوجود امریکی صدر ٹرمپ کی انتظامیہ نے الینوائے نیشنل گارڈ بھیج دیے۔

ٹیکساس سے آئے اہلکاروں نے الینوائے میں پوزیشن سنبھال لی، نیشنل گارڈ کو امریکی فوج کے ریزور سینٹر میں ٹھہرایا گیا ہے۔

ٹرمپ انتظامیہ مختلف ریاستوں میں غیر قانونی طور پر مقیم افراد کے خلاف سخت کریک ڈاؤن کر رہی ہے تاہم ڈیموکریٹک ریاست میں نیشنل گارڈ کی تعیناتی کا سبب نہیں بتایا گیا۔

شکاگو میں جرائم کی شرح کم ہونے کے باوجود امریکی صدر کا دعویٰ ہے کہ ریاست الینوائے کی صورتحال افغانستان سے بھی بدتر ہے۔