پاک افغان بارڈر پر افغانستان کی جانب سے بِلا اشتعال فائرنگ، پاک فوج کی بروقت کاروائی، متعدد افغان فوجی ہلاک

اسلام آباد (صدائے سچ نیوز) پاک افغان بارڈر پر افغانستان کی جانب سے بِلا اشتعال فائرنگ کی گئی۔ پاکستانی فورسز کی جان سے مؤثر اور شدید جوابی کاروائی سے متعدد افغان فوجی ہلاک اور خارجی تشکیلیں تتر بترہو گئے

سیکورٹی ذرائع کے مطابق افغان پوسٹیں خارجیوں کو کور فائر دینے میں ناکام رہیں۔ متعدد افغان پوسٹوں اورخارجیوں کی تشکیلوں کو بھی بھاری نقصانات کی اطلاعات

ذرائع کے مطابق نگران افغان حکومت کی سر پرستی میں چلنے والے افغانستان کے اندر خوارج اور داعش کے ٹھکانوں کو مؤثر طریقے سے نشانہ بنایا جا رہا ہے۔

پاکستان کی جانب سے آرٹلری، ٹینکوں، ہلکے اور بھاری ہتھیاروں کا استعمال کیا جا رہا ہے۔ اسکے علاوہ داعش اور خارجی ٹھکانوں کو نشانہ بنانے کے لئے فضائی وسائل اور ڈرونز کا بھی استعمال کیا جا رہا ہے۔

واضع رہے کہ افغان فورسز کے اُن ہیڈ کوارٹر کو بھی نشانہ بنایا جا رہا ہے جو داعش اور فتنہ الخوارج کو پناہ دیتے رہے ہیں۔