امریکا اور کینیڈا کے درمیان تجارتی مذاکرات ناکام، تجارتی جنگ پھر شروع

امریکا اور کینیڈا کے درمیان تجارتی مذاکرات ناکام ہوگئے،جس کے بعد دونوں ملکوں کے درمیان تجارتی جنگ ایک بار پھر شدت اختیار کرگئی۔

کینیڈین وزیراعظم نےایکس پر بیان میں مذاکرات ناکام ہونےکی تصدیق کرتے ہوئےکہا کہ امریکا اورکینیڈا کسی معاہدے تک نہیں پہنچ سکے،کینیڈا امریکی ٹیرف کا ڈالر کے بدلے ڈالر سے جواب دے گا،مذاکرات کاروں کو امریکا سے واپس آنے کی ہدایت کردی گئی ہے۔

امریکی تجارتی نمائندے کے مطابق کینیڈا نے طے شدہ شرائط کے تحت تجارتی معاہدے کو حتمی شکل دینے سے انکار کیا،کینیڈا نئے مطالبات سامنے لایا اور پہلے کیے گئے وعدوں سے بھی پیچھے ہٹ گیا، جس کے باعث مذاکرات ناکام ہوئے۔

امریکی میڈیا کے مطابق کینیڈا کی 20 ارب ڈالر مالیت کی اشیا پر 50 فیصد امریکی ٹیرف نافذ ہوگیا ہے۔ صدر ڈونلڈ ٹرمپ نے تین روز قبل کینیڈا پر عائد ٹیرف عارضی طور پر مؤخر کیا تھا۔