مسلم لیگ (ن) کے رہنما افتخار احمد چیمہ انتقال کر گئے

اسلام آباد (صدائے سچ نیوز) پاکستان مسلم لیگ (ن) کے رہنما اور سابق رکن قومی اسمبلی افتخار احمد چیمہ انتقال کر گئے ہیں۔

وزیراعظم شہباز شریف نے ان کے انتقال پر گہرے دکھ اور افسوس کا اظہار کیا ہے۔

وزیراعظم نے مرحوم کے بھائی، سابق آئی جی موٹر وے اور سابق ایم این اے نثار احمد چیمہ سے تعزیت کرتے ہوئے اہل خانہ سے ہمدردی کا اظہار کیا۔

انہوں نے کہا کہ افتخار احمد چیمہ مرحوم ایک مخلص، محب وطن اور عوامی خدمت کے جذبے سے سرشار سیاستدان تھے جنہوں نے ہمیشہ قومی مفاد کو مقدم رکھا۔

وزیراعظم شہباز شریف نے مرحوم کے درجات کی بلندی، مغفرت اور لواحقین کے لیے صبر و استقامت کی دعا کی۔

انہوں نے کہا کہ افتخار احمد چیمہ کی سیاسی و عوامی خدمات کو ہمیشہ یاد رکھا جائے گا اور ان کا کردار آنے والی نسلوں کے لیے مثال رہے گا۔