شہری پر تشدد ،کالے جادو کا الزام ،جادوگر جعلی پیرلٹکن شاہ گرفتار

راولپنڈی(صدائے سچ نیوز) تھانہ وارث خان پولیس نے جعلی پیر خرم علی کو گرفتار کر لیا۔ ملزم خرم علی کی گزشتہ روز ایک ویڈیو سوشل میڈیا پر وائرل ہوگئی تھی جس میں وہ ایک شخص پر تشدد کر رہا تھا۔ جس پر پولیس نے اس کے خلاف کارروائی کی اور تین مختلف دفعات کے تحت مقدمہ درج کرکے اسے گرفتار کیا گیا۔ ایف آئی آر کے متن کے مطابق سوشل میڈیا پر ایک ویڈیو وائرل ہوئی جس میں کامران خان عرف پیر خرم علی المعروف پیر لٹکن شاہ ڈھوک الٰہی بخش ہمراہ چار پانچ نامعلوم افراد کو ایک شخص کو دھمکیاں دے رہا تھا اور ڈنڈے سے نامعلوم شخص کو مارپیٹ رہا تھا اور اس سے معافیاں منگوا رہا تھا۔ ملزم لوگوں پر کالا جادو اور روحانی علاج کرواتا ہے۔ جس کا یہ فعل خلاف قانون ہے۔ پولیس نے جعلی پیر کو اس کے آستانے سے گرفتار کیا اور اس کے خلاف مقدمہ درج کر لیا۔