ضمنی انتخابات بہت پرامن رہے، چیف الیکشن کمشنر

فیصل آباد (صدائے سچ نیوز) چیف الیکشن کمشنر کا کہنا ہے کہ ضمنی انتخابات میں ہمیشہ ٹرن آؤٹ کم رہتاہے، جس کی کافی وجوہات ہوتی ہیں۔

میڈیا سے گفتگو کرتے ہوئے انہوں نے کہا کہ ضمنی انتخابات بہت پرامن رہے،ضابطہ اخلاق کی خلاف ورزی کرنے والوں کے خلاف کارروائی کی گئی۔

دوسری جانب الیکشن کمیشن نے فیصل آباد میں ووٹرز کی بیلٹ پیپر کی تصویر لے کر سوشل میڈیا پر ڈالنے کے واقعے کا سخت نوٹس لے لیا۔

واقعے کے بعد الیکشن کمیشن نے کنٹرول روم کے ذریعے سکیورٹی نافذ کرنے والے اداروں کو سخت ہدایات جاری کرتے ہوئے کہا کہ ووٹرز کو موبائل فون پولنگ اسٹیشن نہ لے کر جانے دیں۔

یہ بھی پڑھیں: رانا ثنا اللہ کا پی ٹی آئی کو مذاکرات کا عندیہ

الیکشن کمیشن نے حلقے میں تمام پریذائیڈنگ افسران کو بھی ہدایت جاری کی کہ پولنگ اسٹیشن پر موجود تمام عملہ ووٹ کی رازداری کو یقینی بنائیں۔

الیکشن کمیشن کے ترجمان نے کہا کہ ووٹر سے گزارش ہے کہ پولنگ اسٹیشن میں اپنا موبائل فون لے جانے سے گریز کریں۔