پاکستان
ترک فضائیہ کے سربراہ کا دورۂ پاکستان مکمل، دفاعی تعاون مزید مضبوط بنانے پر اتفاق
اسلام آباد (صدائے سچ نیوز) ترک فضائیہ کے سربراہ جنرل رفعت دالکیران کا 16 سے 19 نومبر تک جاری رہنے والا سرکاری دورۂ پاکستان مکمل ہوگیا۔ دورے کے دوران انہوں نے پاکستان کی اعلیٰ عسکری قیادت سے اہم ملاقاتیں کیں، جن میں دونوں ممالک کے درمیان دفاعی، فضائی اور عسکری تربیت کے شعبوں میں تعاون کو مزید فروغ دینے پر تبادلہ خیال کیا گیا۔

ترک فضائیہ کے سربراہ جنرل رفعت دالکیران نے دورے کے دوران چیف آف ڈیفنس فورسز و چیف آف آرمی اسٹاف فیلڈ مارشل سید عاصم منیر اور سربراہ پاک فضائیہ ایئر چیف مارشل ظہیر احمد بابر سدھو سے الگ الگ ملاقاتیں کیں۔
جنرل رفعت دالکیران نے نیشنل ایرو اسپیس سائنس اینڈ ٹیکنالوجی پارک، پاکستان ایئروناٹیکل کمپلیکس اور پی اے ایف اکیڈمی اصغر خان کا بھی دورہ کیا۔ اس موقع پر انہوں نے زیرِ تربیت ترک فضائیہ کے اہلکاروں سے ملاقات کی اور ان کی پیشہ ورانہ تربیت کا جائزہ لیا۔

ترک فضائیہ کے سربراہ نے پی اے ایف اکیڈمی اصغر خان میں منعقدہ گریجویشن تقریب میں بطور مہمانِ خصوصی شرکت بھی کی۔
دورے کے دوران پاکستان اور ترکیہ کے درمیان دفاعی شراکت داری، فضائی تعاون، پیشہ ورانہ تربیت اور ایرو اسپیس ٹیکنالوجی کے شعبوں میں بڑھتے ہوئے روابط کو خصوصی اہمیت دی گئی۔

یہ دورہ دونوں برادر ممالک کے درمیان دیرینہ دفاعی تعلقات کو مزید مستحکم بنانے اور جدید فضائی و دفاعی ٹیکنالوجی کے شعبوں میں باہمی تعاون کے نئے امکانات کو آگے بڑھانے کی مشترکہ خواہش کا عکاس ہے۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان2 مہینے agoسونے کی قیمت میں بڑا اضافہ
-
پاکستان9 مہینے agoپیرکوعام تعطیل کا اعلان

