بنیادی صفحہ » ایکسکلوسوز » پاکستان کے پاس صرف11ہفتے کی درآمدات کے ڈالرز رہ گئے

پاکستان کے پاس صرف11ہفتے کی درآمدات کے ڈالرز رہ گئے

اسلام آباد ( صدائے سچ رپورٹ) سعودی عرب سے ملنے والے قرضے کے باوجود مرکزی بینک کے پاس 11 ہفتے کی درآمدات جتنے ڈالر رہ گئے ہیں۔ہفتے کے دوران ساڑھے 14 کروڑ ڈالر سے زیادہ کی کمی سے سات ارب ڈالر کی سطح سے بھی نیچے آگئے۔ اسٹیٹ بینک کے مطابق جنوری کے دوسرے ہفتے کے دوران غیر ملکی قرضوں کی واپسی، سود اور دوسری سرکاری ادائیگیوں کے باعث مرکزی بینک کے زرمبادلہ کے ذخائر میں 14 کروڑ 75 لاکھ ڈالر کی کمی ریکارڈ کی گئی اور ذخائر کا حجم 6 ارب 90 کروڑ 12 لاکھ ڈالر رہ گیا،، اپرئل 2014 کے بعد پہلی مرتبہ مرکزی بینک کے پاس ڈالر 7 ارب کی سطح سے کم ہوئے ہیں۔ تاہم ہفتے کے دوران کمرشل بینکوں کے پاس ڈالروں میں 3 کروڑ 97 لاکھ ڈالر کا اضافہ ریکارڈ کیا گیا اور ان کا حجم 6 ارب 58 کروڑ 80 لاکھ ڈالر ہو گیا،، جس کے باعث زرمبادلہ کے مجموعی ذخائر کا حجم 10 کروڑ 78 لاکھ ڈالر کی کمی سے 13 ارب 48 کروڑ 92 لاکھ ڈالر رہ گیا،، سعودی عرب کے دو اور چین کے ایک ارب ڈالر کے قرض کے باوجود رواں مالی سال کے دوران اب تک مرکزی بینک کے پاس زرمبادلہ میں 2 ارب 89 کروڑ ڈالر کی کمی ہو چکی ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

شمالی وزیرستان: دہشت گردوں کا فوجی چیک پوسٹ پر حملہ

شمالی وزیرستان: دہشت گردوں کا فوجی چیک پوسٹ پر حملہ

پاک فوج کے شعبہ تعلقات عامہ آئی ایس پی آر کے مطابق دہشت گردوں نے پاک فوج کی غریوم چیک پوسٹ پر حملہ کیا۔