حکمران جماعت کو پشتون بھائیوں کی دل آزاری پر معافی مانگنی چاہیے، وسیم عباس بھٹی

چکوال (صدائے سچ نیوز) پانچ دریاؤں کی سرزمین والے پنج اب کے لوگ کھلے دل اور بڑے ظرف والے ہیں پشتون بھائیوں کی دل آزاری کرنے والوں کی مذمت کرتے ہیں ۔

وفاق کی حکمران جماعت کو پشتون بھائیوں کی دل آزاری پر معافی مانگنی چاہیے، ڈسٹرکٹ ایڈیشنل جنرل سیکرٹری تحریک انصاف

صوبے کے چیف ایگزیکٹو اور قوم کے خلاف حکومتی ترجمانوں کی جانب سے غیرذمہ دارانہ بیان ملکی سلامتی اور اتحاد کے لیے خطرناک ہے۔

ان خیالات کا اظہار ڈسٹرکٹ تلہ گنگ کے ایڈیشنل سیکرٹری جنرل وسیم عباس بھٹی ایڈووکیٹ نے میڈیا سے گفتگو کرتے ہوئے کہا کہ وزیر اعلی کے پی کے کے حالیہ دورہ لاہور کے موقع پر حکمران جماعت کے ترجمانوں کی جانب سے دئیے گئے۔ غیرذمہ دارانہ بیانات کی وجہ سے پختون قوم کی دل آزاری ہوئی ہے ایسے غیر زمہ دارانہ بیانات دینے والوں کی جتنی مذمت کی جائے کم ہے ۔

ایڈووکیٹ وسیم عباس بھٹی کا مزید کہنا تھا کہ وفاق کی حکمران جماعت کو تمام صوبوں اور قومیتوں کو ساتھ لے کر چلنا چاہیے تاکہ ملک میں بھائی چارہ اور استحکام کو فروغ ملے ۔

مسلم لیگ کی قیادت بشمول وزیراعظم اور وزیراعلی پنجاب کو ایسے غیرذمہ دارانہ میڈیا گفتگو کا فوری نوٹس لے کر شرپسند عناصر کے خلاف سخت کارروائی کرنی چاہیے ۔