پاکستان کا ایران کو تجارت میں سہولت دینے کا بڑا فیصلہ

تہران (صداۓ سچ نیوز) پاکستان نے ایران کو تجارت میں سہولت دینے کا بڑا فیصلہ کرتے ہوئے پاکستان کےذریعےکسی تیسرےملک کے لیے ایران کو تجارت کی اجازت دے دی۔

وزارت تجارت نے پاکستان کے ذریعے سامان ٹرانزٹ آرڈر 2026 کا نوٹیفکیشن بھی جاری کردیا۔

نوٹیفکیشن کے مطابق حکم نامہ فوری طور پر نافذ العمل ہوگا، وفاقی حکومت نے امپورٹ، ایکسپورٹ کنٹرول ایکٹ1950میں ترامیم کردی ہے۔

نوٹیفکیشن میں کہا گیا ہے کہ یہ حکم ان ٹرانزٹ اشیاکی نقل وحمل پرلاگو ہوگا جو کسی تیسرے ملک سے روانہ ہوں، ٹرانزٹ اشیا پاکستان کے ذریعے ایران کے کسی مقام تک پہنچائی جائیں گی۔

یہ بھی پڑھیں: ایران میں ملکی دفاع کیلئے ’جان فدا‘ مہم میں 3 کروڑ سے زائد شہریوں نے رجسٹریشن کروادی، ایرانی میڈیا

پاکستان کی جانب سے سامان کی نقل وحمل کےلیےروٹس کا تعین بھی کردیاگیا ہے۔ نوٹیفکیشن کے مطابق گوادر، پورٹ قاسم، لیاری، اورماڑہ، پسنی اورگبد روٹس میں شامل۔

نوٹیفکیشن میں کہا گیا ہے کہ کراچی پورٹ قاسم ، خضدار، دالبندین، تفتان،گوادر اور تربت کے راستےحکم نامےکاحصہ ہیں جبکہ ہوشاب، پنجگور، ناگ، بیسیمہ، خضدار، کوئٹہ/لک پاس اور نوکنڈی کے راستے بھی حکم نامے میں شامل ہیں۔

نوٹیفکیشن کے مطابق سامان کی نقل و حمل کسٹمز ایکٹ 1969کے تحت بنائےگئےقواعد کے تحت  اور  ایف بی آرکی جانب سےمقررکردہ طریقہ کارکےمطابق ہوگی