ملکی نظام عوام کو بہت تنگ کر رہا ہے، اسے جڑ سے اکھاڑ دیں گے، حافظ نعیم

اسلام آباد (صداۓ سچ نیوز) امیر جماعت اسلامی پاکستان حافظ نعیم الرحمان نے کہا ہے کہ موجودہ ملکی نظام عوام کو بہت تنگ کر رہا ہے، بڑی جدوجہد کی تیاری کریں۔

لوئر دیر میں بدل دو نظام کے عنوان سے منعقدہ جلسے سے خطاب میں حافظ نعیم الرحمان نے کہا کہ اب نظام کی شاخیں نہیں کاٹیں گے بلکہ اسے جڑ سے اکھاڑ دیں گے۔

ان کا کہنا تھا کہ 79 سال حکومت کرنے والوں میں ٹاپ کے بیوروکریٹس اور وڈیرے ہیں، ان سب لوگوں نے ایک اتحاد کیا ہوا ہے۔

امیر جماعت اسلامی نے مزید کہا کہ جاگیرداروں، سرمایہ کاروں اور مافیاز کا ایک کنسورشیم ہے، عوام کو مل کر ان کمپنیوں کو گرانا ہے، نظام تبدیل کرنا ہے۔

یہ بھی پڑھیں: پوری کوشش ہے ایران، امریکا مذاکرات کا ایک اور دور ہو، وزیراعظم شہباز شریف

انہوں نے یہ بھی کہا کہ پاکستان کے تمام سیاسی قیدیوں کو آزاد ہونا چاہیے، بانی پی ٹی آئی کو بھی رہا ہونا چاہیے۔

حافظ نعیم الرحمان نے کہا کہ ہم نے ہزاروں تعلیمی ادارے قائم کیے ہیں، تم بھی کر کے دکھاؤ،حکومت یہاں ایک بھی کالج نہیں کھول سکی۔