ایرانی میزائل حملے میں اسرائیلی ایئربیس کو جزوی نقصان پہنچا: اسرائیلی فوج کی تصدیق

تل ابیب (صدائے سچ نیوز) اسرائیلی فوج  نے تصدیق کی ہے کہ رواں ہفتے ایران کی جانب سے کیے گئے بیلسٹک میزائل حملوں کے دوران اسرائیلی فضائیہ کے رامات ڈیوڈ ائیربیس کو جزوی نقصان پہنچا۔

اسرائیلی میڈیا کے مطابق اس سےقبل سیٹلائٹ تصاویر میں ائیربیس کے ایک گودام پر ممکنہ نقصانات کے نشانات دیکھے گئے تھے۔

ابتدائی تحقیقات کے مطابق گودام کو براہِ راست میزائل نہیں لگا بلکہ ایرانی بیلسٹک میزائل کو فضا میں تباہ کیے جانے کے بعد گرنے والے ٹکڑوں کے باعث نقصان ہوا۔

اسرائیلی فوج کا کہنا ہے کہ اس واقعے میں کوئی فوجی سازوسامان متاثر نہیں ہوا، نہ ہی کوئی جانی نقصان ہوا اور ایئربیس کی آپریشنل سرگرمیوں پر بھی کوئی اثر نہیں پڑا۔