عاصم کھچی ڈی جی پی آئی ڈی، عبدالاکبر ای ڈی جی ایکسٹرپبلسٹی

اسلام آباد (صدائے سچ خصوصی رپورٹ) انفارمیشن گروپ کے گریڈ 20 کے دو افسران کی تقرری / تبادلے کیلئے وزیراعظم سیکرٹریٹ کو سمری موصول ہوگئی ہے جس کے مطابق حال ہی میں منیجنگ ڈائریکٹر اے پی پی سے سبکدوش ہونیوالے گریڈ 20 کے سینئر ترین افسر محمد عاصم کھچی کو ڈائریکٹر جنرل پریس انفارمیشن ڈیپارٹمنٹ اور جوائنٹ سیکرٹری میڈیا وزیراعظم سیکرٹریٹ عبدالاکبر کو ایگزیکٹو ڈائریکٹر جنرل ایکسٹرنل پبلسٹی ونگ لگانے کی سفارش کی گئی ہے۔

محمد عاصم کھچی نے ایسوسی ایٹڈ پریس آف پاکستان کو مینیجنگ ڈائریکٹر کے طور پر کامیابی سے چلایا، کرپشن کے سکینڈل پکڑے اور ذمہ دار افسران اور اہلکاروں کیخلاف سخت کارروائی کی۔ ان کی ان کاوشوں کو سراہا گیا اور اسی حوالے سے آنے والے دباو کا بھی انہیں نے دلیری سے سامنا کیا۔ میڈیا انڈسٹری میں ان کا بہت بڑا حلقہ احباب ہے۔

عبدالاکبرترکی سے واپسی کے بعد وزیراعظم سیکرٹریٹ میں جوائنٹ سیکریٹری میڈیا کے طور پر بہترین خدمات سر انجام دے ھیں۔ وہ ترک میڈیا کے علاوہ انٹرنیشنل میڈیا اور پاکستانی میڈیا کی ہینڈلنگ کا وسیع تجربہ رکھتے ہیں۔ اخبارات، ٹی وی چینلز، رپورٹرز، ایڈیٹرز اور بیورچیف میں یکساں مقبول ہیں۔

اسٹیبلشمنٹ ڈویثرن کے ایک افسر کے مطابق وزرات اطلاعات و نشریات کی اس سمری پر کچھ اعتراضات لگا کر جواب طلںب کیا گیا ہے۔ اس حوالے سے ان کا مزید کہنا تھا کہ وزارت اطلاعات و نشریات نے اس سمری میں موجودہ جوائنٹ سیکرٹری میڈیا وزیراعظم سیکرٹریٹ کے تبادلے کی صورت میں ان کی جگہ نئے افسر کا نام تجویز نہیں کیا ہے۔