سچ میں دہشتگردی کا خاتمہ کرنا ہے تو آ کر ہمارے ساتھ پالیسی بنائیں ، سہیل آفریدی

پشاور (صدائے سچ نیوز) وزیراعلیٰ خیبر پختونخوا سہیل آفریدی نے کہا ہے کہ بہت مشکل سے ہم نے صوبے میں امن قائم کیا تھا لیکن بند کمروں کے فیصلوں نے دوبارہ ہمارا جینا حرام کر دیا ہے۔

شہید بینظیر بھٹو ویمن یونیورسٹی کے کانووکیشن سے خطاب کرتے ہوئے سہیل آفریدی کا کہنا تھا کہ ہم نے پاکستان کیلئے بار بار قربانیاں دی ہیں ، آئندہ بھی دیں گے۔

انہوں نے کہا کہ میری آنکھوں میں آنسو عوام کے درد کے ہیں، ڈر سے نہیں، 14 سال سے ہمارے لوگ دربدر کی ٹھوکریں کھا رہے ہیں۔

انہوں نے مزید کہا کہ قوم کو اعتماد میں لے کر آپریشنز کریں، سچ میں دہشت گردی کا خاتمہ کرنا ہے تو آ کر ہمارے ساتھ پالیسی بنائیں۔