عمران خان اور بشریٰ بی بی کو 9 مئی سمیت دیگر 5 مقدمات میں گرفتار نہ کرنیکا حکم

اسلام آباد (صداۓ سچ نیوز) ڈسٹرکٹ اینڈ سیشن کورٹس اسلام آباد نے 9 مئی سمیت دیگر 5 مقدمات میں بانی پی ٹی آئی عمرانخان اور ان کی اہلیہ بشریٰ بی بی کی گرفتاری سے روک دیا

ایڈیشنل ڈسٹرکٹ اینڈ سیشن جج محمد افضل مجوکہ نے بانی پی ٹی آئی کیخلاف 9 مئی اور دیگر 5 کیسز کی سماعت کی۔ عدالت نے بانی پی ٹی آئی اور بشریٰ بی بی کی ضمانت قبل از گرفتاری میں توسیع کر دی۔

بانی پی ٹی آئی کو بذریعہ ویڈیو لنک عدالت میں پیش نہ کئے جانے پر عدالت نے اگلی سماعت میں بانی پی ٹی آئی کو عدالت میں یا بذریعہ ویڈیو لنک پیش کرنے کی ہدایت کی۔

بانی پی ٹی آئی کیخلاف 9 مئی، اقدام قتل، جعلی رسیدوں سمیت دیگر مقدمات جبکہ بشریٰ بی بی کیخلاف مبینہ جعلی رسیدیں جمع کروانے کا مقدمہ درج ہے۔