بانی پی ٹی آئی عمران خان کو اسلام آباد جیل منتقل کیاجائے گا، طارق فضل چوہدری کاانکشاف

اسلام آباد(صدائے سچ نیوز)مسلم لیگ ن کے رہنما، وفاقی وزیر طارق فضل چودھری نے کہا ہے کہ بانی پی ٹی آئی کو اڈیالہ جیل سے اسلام آباد جیل منتقل کیا جائے گا۔

نجی ٹی وی سے بات کرتے ہوئے ان کا کہنا تھا کہ جنید اکبر کو پبلک اکاونٹس کمیٹی سے ہٹانے کے لئے استعفوں کی چال چلی گئی۔ ان کا کہنا تھا کہ عمران خان کے بنی گالہ یا زمان پارک ہاوس اریسٹ کے بھی حامی ہیں، میں بانی پی ٹی آئی کو بنی گالہ شفٹ کرنے اورہاوس اریسٹ کے حق میں ہوں۔

انہوں نے کہا کہ بانی پی ٹی آئی کوزمان پارک میں بھی رکھ سکتے ہیں، ہم انہیں کسی قسم کی تکلیف نہیں دینا چاہتے۔ ان کا کہنا تھا کہ بانی پی ٹی آئی کو اسلام آباد کی ڈسٹرکٹ جیل میں منتقل کیاجائے گا۔ انہوں نے گفتگو کے دوران کہا کہ اسلام آباد کے جتنے قیدی اڈیالہ میں ہیں وہ سب اسلام آباد ڈسٹرکٹ جیل منتقل ہوں گے۔