ایران نے آبنائے ہرمز میں جنگی بحری جہاز کی تعیناتی پر برطانیہ، فرانس کو خبردار کردیا

تہران (صداۓ سچ نیوز) ایران کے نائب وزیر خارجہ کاظم غریب آبادی نے آبنائے ہرمز کے اطراف جنگی بحری جہازوں کی موجودگی کو خطے میں کشیدگی بڑھانے کا سبب قرار دیتے ہوئے سخت ردعمل کی وارننگ دی ہے۔

ایران کے نائب وزیر خارجہ کا کہنا تھا کہ ہرمز کے گرد جنگی جہازوں کی تعیناتی بحران میں اضافے کے سوا کچھ نہیں ہے۔

انہوں نے کہا کہ جہاز رانی کے تحفظ کے نام پر غیر ملکی جنگی بحری جہازوں کی موجودگی دراصل خطے میں تناؤ اور عدم استحکام کو مزید بڑھا دے گی۔

کاظم غریب آبادی  نے فرانس اور برطانیہ کے جنگی جہازوں کی ممکنہ موجودگی پر بھی شدید تنقید کرتے ہوئے کہا کہ یہ اقدام غیر قانونی امریکی کارروائیوں کا ساتھ دینے کے مترادف ہوگا۔

یہ بھی پڑھیں: پاکستان کی ثالثی میں ایران امریکا مذاکرات میں نئی پیش رفت

ایرانی نائب وزیر خارجہ نے خبردار کیا کہ اگر ایران کے خلاف کسی بھی قسم کی جارحانہ یا اشتعال انگیز کارروائی کی گئی تو اس کا فوری، سخت اور فیصلہ کن جواب دیا جائے گا۔