تازہ ترین
ایران کا حجم امریکی ریاست الاسکا کے برابر، عرب میڈیا کی خصوصی رپورٹ
تہران (صداۓ سچ نیوز) ایران رقبے کے لحاظ سے دنیا کا 17 واں بڑا ملک ہے جس کا کُل رقبہ تقریباً 16 لاکھ 50 ہزار مربع کلومیٹر ہے، یہ رقبہ امریکا کے کل زمینی حصے کے تقریباً 1 چھٹے حصے کے برابر ہے۔
ایران کا حجم امریکی ریاست الاسکا کے برابر ہے جبکہ یہ ٹیکساس سے تقریباً ڈھائی گنا بڑا ہے۔
حالیہ کشیدگی کے دوران امریکا اور اسرائیل کی جانب سے ایران پر فضائی حملوں میں ہفتے کے بعد سے کم از کم 1,045 افراد ہلاک ہو چکے ہیں، اس کے جواب میں تہران نے اسرائیل اور خلیجی ممالک پر ڈرون اور میزائل حملے کیے جن میں متعدد ہلاکتیں رپورٹ ہوئی ہیں۔
عرب میڈیا ’الجزیرہ‘ کی ایک رپورٹ میں بتایا گیا ہے کہ امریکا میں کیے گئے ایک حالیہ سروے کے مطابق صرف 25 فیصد امریکی شہری ایران پر امریکی حملوں کی حمایت کرتے ہیں۔
صدر ڈونلڈ ٹرمپ کی ریپبلکن پارٹی کے حامیوں میں حمایت نسبتاً زیادہ ہے جہاں 55 فیصد افراد نے حملوں کی تائید کی، 13 فیصد نے مخالفت جبکہ 32 فیصد غیر یقینی کا شکار ہیں۔
دوسری جانب تقریباً 74 فیصد ڈیموکریٹس نے اِن حملوں کی مخالفت کی۔
جغرافیائی اعتبار سے ایران مغربی ایشیاء میں واقع ہے اور اس کی سرحدیں 7 ممالک سے ملتی ہیں جن میں عراق، ترکمانستان، افغانستان، پاکستان، آذربائیجان، ترکی اور آرمینیا شامل ہیں۔
ایران عراق سے 4 گنا اور اسرائیل سے تقریباً 80 گنا بڑا ہے۔
آبادی کے لحاظ سے ایران میں تقریباً 9 کروڑ 20 لاکھ افراد رہتے ہیں جو امریکا کی آبادی کا تقریباً ایک چوتھائی بنتی ہے، ملک کی زیادہ تر آبادی مغربی حصے میں آباد ہے جہاں پہاڑی سلسلے، زرخیز وادیاں اور دریا موجود ہیں۔
رپورٹ کے مطابق ایران تیل اور گیس کے ذخائر کے حوالے سے بھی اہم ملک ہے، یہ دنیا کا تیل پیدا کرنے والا نواں بڑا ملک اور قدرتی گیس پیدا کرنے والا تیسرا بڑا ملک ہے۔
’الجزیرہ‘ کے مطابق ایران کی مجموعی قومی پیداوار تقریباً 375 ارب ڈالرز ہے جبکہ یہاں بے روزگاری کی شرح تقریباً 9.2 فیصد بتائی جاتی ہے۔
دارالحکومت تہران ایران کا سب سے بڑا شہر ہے جہاں تقریباً 96 لاکھ افراد رہتے ہیں۔
دیگر بڑے ایرانی شہروں میں مشہد (34 لاکھ)، اصفہان (23 لاکھ)، شیراز اور تبریز (17،17 لاکھ)، کرج (16 لاکھ)، قم (14 لاکھ) اور اہواز (13 لاکھ) شامل ہیں۔
-
پاکستان6 دن agoسونے کی قیمت میں بڑا اضافہ
-
پاکستان3 ہفتے agoپیرکوعام تعطیل کا اعلان
-
پاکستان2 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
ایکسکلوسِو5 مہینے agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان5 مہینے agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو2 مہینے agoپریس قونصلر اورپریس اتاشی کی پوسٹوں کیلئے نامزد 8 افسران کا وزیراعظم کیساتھ انٹرویو، حتمی منظوری جلد متوقع
-
ایکسکلوسِو4 مہینے agoسیکرٹری اطلاعات کی پوسٹ کیلئے پانچ افسران کا انٹرویو، طارق خان بھی شامل
-
پاکستان5 دن agoزیارات کے نام پر فراڈ، زائرین بے یار و مددگار، قافلہ سالار کیخلاف قانونی کاروائی

