سونے کی بڑھتی قیمت کو بریک لگ گئے، مزید سستا ہو گیا

راولپنڈی (صداۓ سچ نیوز) ایران جنگ کی وجہ سے سونے کی قیمت میں مسلسل کمی ہو رہی ہے۔

چار روز کے دوران سونے کے فی تولہ نرخ میں 30 ہزار 1 سو روپے کی کمی ہو گئی ہے۔

آج سونے کے فی تولہ نرخ میں 3 ہزار 400 روپے کمی ہوئی جس کے بعد نئی قیمت 5 لاکھ 33 ہزار 762 روپے ہوگئی ہے۔

10 گرام سونا 2915 روپے سستا ہوا جس کے بعد نئے نرخ 4 لاکھ 57 ہزار 614 روپے ہو گئے ہیں۔

عالمی مارکیٹ میں سونے کے نرخ میں 34 ڈالر کی کمی ہونے سے فی اونس سونا 5 ہزار 110 ڈالر کی سطح پر آ گیا ہے۔

ملک میں چاندی کی قیمت بڑھ گئی ہے، چاندی 104 روپے مہنگی ہونے سے فی تولہ قیمت 8 ہزار 914 روپے ہو گئی ہے۔