تحصیل پریس کلب کلرکہار کے سالانہ انتخابات، محمد عثمان اعوان صدر منتخب

کلرکہار(نمائندہ صدائے سچ)تحصیل پریس کلب کلرکہار کے سالانہ انتخابات مکمل ، محمد عثمان اعوان صدر ، ایم رحمٰن سیکرٹری جنرل ، سیدظفر نقوی چیئرمین ایگزیکٹو کونسل اور خلیل احمد شاکر سیکرٹری انفارمیشن منتخب ۔

تفصیلات کے مطابق تحصیل پریس کلب کلرکہار کا سالانہ انتخابات کا اجلاس زیر صدرات سیکرٹری جنرل ایم رحمن منعقد ہوا۔

اجلاس کا آغاز تلاوت کلام پاک سے کیا گیا، تلاوت کلام پاک ملک عرفان نے کی جس کے بعد باقاعدہ اجلاس شروع ہوا۔

اجلاس میں متفقہ طور پر عہدیداران کا چناؤ کیا گیا، جس کے مطابق عبدالقدیر اعوان سرپرست اعلیٰ، محمد عثمان اعوان صدر، ایم رحمن سیکرٹری جنرل، سید ظفر نقوی چیئرمین ایگزیکٹو کونسل ، خلیل احمد شاکر سیکرٹری انفارمیشن ، عبدالرشید سانول نائب صدر، ملک انوارالحق نائب صدر (اعزازی)، ملک رفیق انمول رابطہ سیکرٹری، ملک اسرار چلہ جوائنٹ سیکرٹری، راجہ قمر عباس سیکرٹری فنانس، شہزادہ عبدالکریم سینئر نائب صدر (اعزازی)، ملک محمد عرفان ڈپٹی جنرل سیکرٹری (اعزازی)، ملک عرفان شاہد ممبر ایگزیکٹو کمیٹی (اعزازی)، سید معظم عسکری ایگزیکٹو ممبر شامل ہیں۔

نومنتخب صدر پریس کلب ملک عثمان اعوان نے ایک دفعہ پھر تمام دوستوں کو مل جل کر کام کرنے اور آپس میں اتحار کی فضا کو قائم رکھتے ہوئے مثبت صحافت اور اپنے وقار کو برقرار رکھنے کی تلقین کی۔

اس موقع پر سرپرست اعلیٰ عبدالقدیر اعوان نے اپنے تجربات کو ممبران کے ساتھ شئیر کیا اور تمام ممبران کی کارگردگی کو سراہا۔

اس کے ساتھ انہوں نے کہا کہ ہمیں سیاست دانوں اور افسران کو پرموٹ کرنے کی بجائے عوامی مسائل کو اجاگر کرنا چاہیے صحافی عوام کا نمائندہ ہوتا ہے نا کہ کسی سیاسی سفید پوش یا انتظامی افسران کا تمام دوست ایک گلدستے کی مانند ہیں اور معاشرے میں ایک اچھا مقام رکھتے ہیں اس کو برقرار رکھا جائے اور میں عبدالقدیر اعوان آپ کےساتھ شانہ بشانہ چلنے کے لیے تیار ہوں اور آپ کا شکرگزار ہوں ۔

آخر میں بانی پریس کلب اور سیکرٹری جنرل ایم رحمن نے تمام نومنتخب عہدیداران کو مبارکباد دی اور ان کو عوام مسائل کی نشاندہی کرنے اور کلرکہار کی خوبصورتی میں اپنا کردار ادا کرنے کی اپیل کی۔

اختتامی دعا کیساتھ انتخابی اجلاس کو غیر معینہ مدت کیلئے ملتوی کردیا گیا، کلرکہار کے عوامی و سماجی و کاروباری حلقوں کی جانب سے نومنتخب عہدیداران کو مبارکباد پیش کی گئی ہے۔