امریکا جنگ جیت چکا مگر ابھی نکلنے کی جلدی نہیں، ایران کے 58 بحری جہاز تباہ کر دیے، ٹرمپ

واشنگٹن (صداۓ سچ نیوز) امریکا کے صدر ڈونلڈ ٹرمپ نے کہا ہے کہ امریکا جنگ جیت چکا مگر ابھی نکلنے کی جلدی نہیں۔

امریکی صدر ڈونلڈ ٹرمپ نے ایک تقریب سے خطاب کرتے ہوئے کہا ہے کہ امریکا نے ایران کے 58 بحری جہاز تباہ کر دیے ہیں اور جنگ میں نمایاں برتری حاصل کر لی ہے۔

اپنے خطاب میں صدر ٹرمپ کا کہنا تھا کہ ہم یہ نہیں چاہتے کہ ہر دو سال بعد ایران کے خلاف کارروائی کرنا پڑے، اسی لیے معاملے کو مکمل طور پر حل کرنا ضروری ہے۔ انہوں نے کہا کہ امریکہ جنگ جیت چکا ہے تاہم ابھی وہاں سے نکلنے کی جلدی نہیں ہے۔

صدر ٹرمپ نے مزید کہا کہ ہم کام مکمل ہونے تک اپنی کارروائیاں جاری رکھیں گے۔ ان کا کہنا تھا کہ فوری طور پر یہ کہنا مناسب نہیں کہ ہم جیت گئے ہیں، مگر حقیقت یہ ہے کہ ہم ایک گھنٹے میں ہی جنگ جیت گئے تھے۔

معاشی صورتحال پر بات کرتے ہوئے ڈونلڈ ٹرمپ نے کہا کہ امریکہ میں گزشتہ 11 ماہ کے دوران 18 ٹریلین ڈالر کی سرمایہ کاری آئی ہے، جبکہ سابق صدر جو بائیڈن کے دور میں صرف ایک ٹریلین ڈالر کی سرمایہ کاری ہوئی تھی۔