پاکستان
راولپنڈی کنٹونمنٹ بورڈ کی الہ آباد وارڈ نمبر 1 میں کھلی کچہری، شہریوں کے مسائل کے حل کے لیے فوری احکامات
راولپنڈی (صداۓ سچ نیوز)راولپنڈی کنٹونمنٹ بورڈ کے زیرِ اہتمام وارڈ نمبر 1الہ آباد میں کھلی کچہری کا انعقاد کیا گیا، جس میں ایگزیکٹو آفیسر راولپنڈی کنٹونمنٹ بورڈ عامر رشید نے شہریوں کے مسائل اور شکایات براہِ راست سنیں اور ان کے فوری ازالے کے لیے متعلقہ افسران کو ضروری ہدایات جاری کیں۔
کھلی کچہری میں شہریوں کی بڑی تعداد نے شرکت کی، جبکہ سابق ممبر کنٹونمنٹ بورڈ بھی اس موقع پر موجود تھے۔
کھلی کچہری کے دوران شہریوں کی جانب سے صفائی، ٹیکس، اسٹریٹ لائٹس اور دیگر مسائل سے متعلق شکایات اور درخواستیں پیش کی گئیں۔
سی ای او عامر رشید نے شہریوں کے مسائل توجہ سے سنے اور متعلقہ افسران کو ہدایت کی کہ موصول ہونے والی شکایات پر ترجیحی بنیادوں پر فوری کارروائی عمل میں لائی جائے، جبکہ بعض شکایات کو موقع پر ہی حل کر دیا گیا۔
اس موقع پر ایگزیکٹو آفیسر عامر رشید کا کہنا تھا کہ اوپن ڈور پالیسی کے تحت کھلی کچہریوں کے انعقاد کا مقصد شہریوں کو اپنی شکایات اور مسائل براہِ راست انتظامیہ تک پہنچانے اور ان کے حل کے لیے مؤثر پلیٹ فارم فراہم کرنا ہے۔
کنٹونمنٹ بورڈ انتظامیہ عوامی مسائل کے حل اور شہریوں کو بہتر بلدیاتی سہولیات کی فراہمی کے لیے تمام دستیاب وسائل بروئے کار لا رہی ہے۔
شہریوں کی شکایات کا بروقت ازالہ اور انہیں معیاری سہولیات کی فراہمی ہماری اولین ترجیحات میں شامل ہے۔کھلی کچہری میں چیف کینٹ انجینئر عتیق الرحمٰن، اسسٹنٹ کینٹ انجینئر نوید حسین، سیکرٹری کنٹونمنٹ بورڈ عمران حبیب، مختلف برانچوں کے سربراہان اور دیگر متعلقہ افسران نے شرکت کی۔
شہریوں نے کھلی کچہری کے انعقاد کو سراہتے ہوئے کنٹونمنٹ بورڈ انتظامیہ کے اس اقدام کو خوش آئند قرار دیا اور امید ظاہر کی کہ ان کے مسائل کے حل کے لیے عملی اور مؤثر اقدامات کا سلسلہ جاری رہے گا۔
شہریوں نے علاقے میں جاری ترقیاتی و عوامی فلاحی اقدامات کو بھی قابلِ تحسین قرار دیا۔راولپنڈی کنٹونمنٹ بورڈ انتظامیہ اس عزم کا اعادہ کرتی ہے کہ شہریوں کو بہتر بلدیاتی سہولیات کی فراہمی، عوامی مسائل کے فوری حل اور کینٹ کے علاقوں میں ترقیاتی و فلاحی سرگرمیوں کا سلسلہ آئندہ بھی جاری رکھا جائے گا
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان2 مہینے agoسونے کی قیمت میں بڑا اضافہ
-
پاکستان9 مہینے agoپیرکوعام تعطیل کا اعلان

