ظُہران ممدانی کا میئر نیویارک منتخب ہونا شاندار فتح ہے، صادق خان

لندن (صدائے سچ نیوز))لندن کے میئر صادق خان نے ظُہران ممدانی کے میئر نیویارک منتخب ہونے کو فنٹاسٹک فتح قرار دیا ہے۔ 

اپنے بیان میں انہوں نے کہا کہ نیویارک کے شہری خوف پر امید اور تقسم پر اتحاد کا انتخاب کرنے پر مبارکباد کے مستحق ہیں۔ 

برٹش پاکستانی صادق خان مغربی دنیا کے بڑے شہر کے سن دو ہزار سولہ میں پہلی بار میئر بنے تھے اور پھر سن دوہزار اکیس اور سن دوہزار چوبیس میں بھی یہ معرکہ جیت لیا۔ 

اب امریکا کے سب سے بڑے شہر کا میئر ایک مسلم امیگرینٹ ممدانی بنے ہیں۔ صادق خان ہی کی طرح ظہران ممدانی بھی صدر ٹرمپ کی بدترین تنقید کا نشانہ بنتے رہے ہیں۔ 

صادق خان نے کہا کہ لندن کی طرح نیویارک بھی لبرل، کثیرالثقافتی، ترقی پسند اور انتہائی کامیاب شہر ہے، جو کچھ صدر ٹرمپ ہیں ہم اسکی ضد ہیں۔