شاہین آفریدی کو ون ڈے ٹیم کا کپتان بنا دیا گیا

اسلام آباد (صدائے سچ نیوز) پاکستان کرکٹ بورڈ نے شاہین آفریدی کو ون ڈے ٹیم کا کپتان بنا دیا۔

فاسٹ بولر شاہین آفریدی جنوبی افریقہ کے خلاف تین ون ڈے میچز میں قیادت کریں گے۔

پاکستان کرکٹ بورڈ (پی سی بی) کا کہنا ہے کہ شاہین آفریدی کو ون ڈے ٹیم کا کپتان بنانے کا فیصلہ اسلام آباد میں اجلاس میں کیا گیا۔

یاد رہے کہ آج پی سی بی سلیکشن اور ایڈوائزری کمیٹی کا مشترکہ اجلاس جس میں عاقب جاوید، اسد شفیق، ہیڈکوچ مائیک ہیسن شریک تھے ، اظہر علی اور علیم ڈار بھی اجلاس میں شریک تھے۔

یہ بھی پڑھیں: شاہین آفریدی اور سلمان علی آغا قومی ون ڈے ٹیم کی کپتانی کے امیدوار

اجلاس میں مشاورت کیلئے سابق کپتان مصباح الحق اور سرفراز احمد کو بھی مدعو کیا گیا تھا ، ہیڈکوچ مائیک ہیسن کی سفارش پر قومی ون ڈے ٹیم کی کپتانی سے متعلق اجلاس بلایا گیا تھا ۔

شاہین آفریدی اور سلمان علی آغا قومی ون ڈے ٹیم کی کپتانی کے امیدوار تھے۔