سید ذیشان علی نقوی چیس فیڈریشن کے صدر، راجہ گوہر اقبال سیکرٹری جنرل منتخب، نوٹیفکیشن جاری

اسلام آباد(صدائے سچ نیوز )پاکستان اسپورٹس بورڈ نے چیس فیڈریشن آف پاکستان کے انتخابات کا عمل مکمل ہونے کے بعد نوٹیفکیشن جاری کردیا جس کے تحت سابق ڈپٹی میٸر سید ذیشان علی نقوی صدر جبکہ راجہ محمد گوہر اقبال سیکریٹری جنرل منتخب ہوگٸے ہیں۔

پی ایس بی نوٹیفکیشن کے مطابق انور سلیم کاسی سینئر نائب صدر، آغا وسیم احمد، نسیم خالدی، انعام اللہ اعوان نائب صدور، راجہ محمد گوہر اقبال سیکریٹری جنرل، مصور خان فنانس سیکریٹری اور محمد واصف نثار جوائنٹ سیکریٹری منتخب قرار پائے۔

نوٹیفکیشن کے مطابق چیس فیڈریشن آف پاکستان کے انتخابات چار سالہ مدت 2026 سے 2030 کیلئے منعقد ہوئے۔ انتخابات پاکستان اسپورٹس بورڈ آئین 2022 اور اسپورٹس الیکشن ریگولیشنز کے تحت کرائے گئے۔