ایکسکلوسِو
کون بنے گا چیئرمین PEMRA؟ عنبرین جان یا شاہیرہ شاہد؟ فیصلہ جلد
اسلام آباد(خصوصی رپورٹ : صدائے سچ نیوز) وفاقی حکومت کو پاکستان الیکٹرانک میڈیا ریگولیٹری اتھارٹی (پیمرا) کے نئے چیئرمین کیلئے موزوں ترین شخصیت کی تلاش، بیس اکتوبر سے پہلے اشتہار جاری کرنے کا فیصلہ۔
تفصیلات کے مطابق سابق چیئرمین پیمرا محمد سلیم بیگ کی دوسری مرتبہ مدت ملازمت پوری ہونے کے بعد یکم اکتوبر سے چیئرمین پیمرا کی پوسٹ خالی ہے۔ محمد سلیم بیگ کومسلم لیگ ن کی حکومت میں شاہد خاقان عباسی کی وزارت عظمیٰ کے دوران 2018 میں سپریم کورٹ آف پاکستان میں طویل مقدمہ بازی کے بعد بطور چیئرمین پیمرا تعینات کیا گیا تھا۔
بعد ازاں، عمران خان کی حکومت میں دوبارہ انہیں تین سال کیلئے چیئرمین تعینات کیا گیا۔ اس حوالے سے نئے چیئرمین کی تعیناتی کیلئے وزارت اطلاعات و نشریات میں نیا اشتہار تیار کرنے کے حوالے سے کام شروع کر دیا گیا ہے جس کے مطابق میڈیا میں 15سے25سال تجربہ رکھنے اور ماسٹر ڈگری تعلیم کے علاوہ دیگر شرائط و ضوابط رکھی جا رہی ہیں۔
اس حوالے سے غور و غوص جاری ہے اور وزیراطلاعات و نشریات کی منظوری کے بعد باضابطہ طور اخبارات میں اشتہار جاری کیا جائے گا۔ شرائط و ضوابط کے حوالے سے مشاورت جاری ہے ، قوی امکان یہ ہے کہ حتمی اشتہار آنے کے بعد اس بات کا تعین کرنا آسان ہو گا کہ کس شخصیت کو چیئرمین پیمرا تعینات کرنے کیلئے حکومت کے ذہن میں خاکہ ہے۔ عموماجس شخصیت کو حکومت تعینات کرنا چاہتی ہے اس کی تعلیم و تجربے کو مد نظر رکھتے ہوئے اشتہار بنایا جاتا ہے۔
ذرائع کے مطابق موجودہ سیکرٹری اطلاعات عنبرین جان کو ریٹائرمنٹ کے بعد اس پوسٹ پر تعیناتی کی امید دلائی گئی ہے جبکہ ان کے متوقع مد مقابل سابق سیکرٹری اطلاعات شاہیرہ شاہد، سہیل علی خان اور مبشر توقیر شاہ ہو سکتے ہیں۔ علاوہ ازیں، سابق چیئرمین پیمرا محمد سلیم بیگ کی تیسری بار تعیناتی کیلئے حکومت کو صدارتی آرڈیننس لانا پڑے گا۔وزارت اطلاعات چیئرمین پیمرا کی تعیناتی کیلئے تین ناموں کا پینل وزیراعظم کو بھیجوائے گی اور وزیراعظم اس سمری کو حتمی منظوری کیلئے صدر پاکستان کو بھجوائیں گے۔
-
پاکستان1 مہینہ agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
ایکسکلوسِو4 مہینے agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
ایکسکلوسِو4 ہفتے agoپریس قونصلر اورپریس اتاشی کی پوسٹوں کیلئے نامزد 8 افسران کا وزیراعظم کیساتھ انٹرویو، حتمی منظوری جلد متوقع
-
پاکستان4 مہینے agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو3 مہینے agoسیکرٹری اطلاعات کی پوسٹ کیلئے پانچ افسران کا انٹرویو، طارق خان بھی شامل
-
پاکستان3 مہینے agoمسلم لیگ (ن) کے رہنما افتخار احمد چیمہ انتقال کر گئے
-
پاکستان3 مہینے agoخدا نخواستہ 600 افراد جاں بحق ہوئے تو لاشیں کہاں ہیں؟،مریم نواز
-
اوورسیز پاکستانیز1 مہینہ agoبرطانیہ میں ازدواجی تحلیل: رجحانات، خدشات اور اصلاحی اقدامات

