76 فیصد امریکیوں کا خیال ہےکہ ایران جنگ ٹرمپ انتظامیہ کی توقعات سےکہیں ذیادہ مشکل ثابت ہوئی، سروے

ایک سروےکے مطابق 76 فیصد امریکیوں کا خیال ہےکہ امریکا اور ایران کے درمیان جاری جنگ ٹرمپ انتظامیہ کی توقعات سے کہیں ذیادہ مشکل ثابت ہوئی ہے۔

امریکی نشریاتی ادارے سی بی ایس نیوز اور یوگوو کی جانب سے 22 سے 24 جولائی کے درمیان کیےگئے سروے میں 20 فیصد رائے دہندگان کا کہنا تھا کہ جنگ توقعات کے مطابق رہی جب کہ صرف 4 فیصد کے خیال میں یہ توقع سے زیادہ آسان ثابت ہوئی۔

58 فیصد نےکہا کہ وہ جاری تنازع کے بارے میں غیر یقینی کا شکار ہیں، جب کہ 57 فیصد نے بتایا کہ وہ مایوسی محسوس کر رہے ہیں۔ اس کے علاوہ 36 فیصد نے بددلی کا اظہار کیا، جبکہ صرف 19 فیصد نے کہا کہ وہ پُرامید ہیں۔

سروے میں 22 فیصد رائےدہندگان کا خیال تھا کہ اس جنگ میں ایران زیادہ مضبوط یا بہتر پوزیشن میں ہے۔