امریکا سمجھتا تھا کہ جنگ اور پابندیوں سے شام کی طرح ایران میں بھی حکومت الٹ دےگا پر وہ ناکام رہا، ایرانی صدر

تہران (صداۓ سچ نیوز) ایرانی صدر مسعود پزشکیان کا کہنا ہے کہ امریکا سمجھتا تھا جنگ اور پابندیوں سے شام کی طرح ایران میں بھی حکومت الٹ دے گا، دشمن نے سازش کی تھی کہ 48 گھنٹے میں ایرانی حکومت کا تختہ الٹ دے گا پر وہ ناکام رہا۔

ایرانی صدرنے سرکاری ٹی وی پر نشر ہونے والے انٹرویو میں کہا ہے کہ نئے سپریم لیڈر نے ایران کو متحد اور مضبوط بنایا ہوا ہے،  ایرانی عوام کےحوصلے اور عزم نے دشمن کے ارادے ناکام بنادیے، تمام تر مشکلات کے باوجود ایران آج طاقتور اور باوقار ملک کہلاتا ہے۔

صدر مسعود پزشکیان کا کہنا تھا آخر امریکا ایرانی یونیورسٹیوں اور تحقیقی اداروں کو نشانہ کیوں بناتا ہے؟ امریکا ہر اس علامت کے خلاف ہے جو ایرانی عوام کو آزاد اور تخلیق کار بناتی ہے، امریکا نہیں چاہتا کہ کوئی بھی قابل شخص ایران میں قائدانہ کردار ادا کرے۔

ایرانی صدر نےکہا کہ  ایران کے زیادہ تر شہید کمانڈروں اور سائنس دانوں کا ذاتی گھر تک نہ تھا، اقتصادی اور سکیورٹی چیلنجز کے باوجود قومی اتحاد نے ایران کو ناقابل تسخیر بنایا۔