جبران ناصر نے سندھ حکومت کا جوڈیشل کمیشن بنانے کا فیصلہ مسترد کردیا

کراچی (صداۓ سچ نیوز) کراچی کے نوجوان تاجر میر رضا کے والد کے وکیل جبران ناصر نے سندھ حکومت کا جوڈیشل کمیشن بنانے کا فیصلہ مسترد کردیا۔

جبران ناصر نے کہا کہ میر رضا کے اہل خانہ کل جے آئی ٹی کے لیے ہائی کورٹ جائیں گے اور جوڈیشل کمیشن کی مخالفت کریں گے۔

انہوں نے کہا کہ میر رضا کے اہل خانہ کو بتائے بغیر جوڈیشل کمیشن بنایا گیا اور تحقیقات کے ٹی او آرز پبلک نہیں کیے گئے۔

جبران ناصر نے مزید کہا کہ پولیس تحقیقاتی رپورٹ کل مجسٹریٹ کے سامنے پیش کرے گی۔

انہوں نے سوال اٹھایا کہ پولیس رپورٹ پیش کرنے سے پہلے سندھ حکومت نے جوڈیشل کمیشن کا اعلان کیوں کیا؟

ان کا کہنا تھا کہ کیا اس کی وجہ یہ ہے کہ وہ پولیس کی تفتیش کے نتائج کو جانتے ہیں اور وہ اس سے متفق نہیں ہیں؟

میر رضا کے والد کے وکیل نے یہ بھی کہا کہ سوال اٹھایا کہ جے آئی ٹی کیوں نہیں بنائی گئی؟، پولیس افسران کے مجرمانہ رویے کی تحقیقات کیوں نہیں ہوئیں؟