مسئلہ کشمیر اقوام متحدہ کی قراردادوں کیمطابق حل کرنےکی ضرورت ہے، ہم آزاد فلسطین کی آواز بنیں گے، اردوان

نیویارک (صداۓ سچ نیوز) ترکیے کے صدر رجب طیب اردوان نے واضح کیا کہ مسئلہ کشمیر اقوام متحدہ کی قراردادوں کے مطابق حل کرنےکی ضرورت ہے، ہم آزاد فلسطین کی آواز بنیں گے۔

نیویارک میں ترکیے کے صدر  نے اقوام متحدہ کی جنرل اسمبلی سے خطاب کرتے ہوئے کہا کہ ریاست فلسطین کےصدر محمود عباس مسلسل دوسرے سال بھی ایوان میں موجود نہیں، ریاست فلسطین کو اقوام متحدہ کے رکن ممالک کی بھاری اکثریت تسلیم کر چکی ہے، گزشتہ سال کی طرح اس سال بھی فلسطین کی آواز دنیا تک پہنچائیں گے۔

اردوان نے کہا کہ اقوام متحدہ کے پلیٹ فارم سے فلسطینی عوام کا مؤقف پیش کرتے رہیں گے، آزاد اور خود مختار ریاست فلسطین کی آواز بن کر بات کریں گے، فلسطینی عوام کے مؤقف کو دنیا تک پہنچانا جاری رکھیں گے۔