عدالت کا علیمہ خان اور عظمیٰ خان کو گرفتار کرکے پیش کرنے کا حکم

اسلام آباد (صدائے سچ نیوز) انسداد دہشت گردی عدالت نے مسلسل عدم پیشی پر علیمہ خان اور عظمیٰ خان کو گرفتار کرکے پیش کرنے کا حکم دے دیا۔

انسداد دہشتگردی عدالت اسلام آباد میں پاکستان تحریک انصاف (پی ٹی آئی) رہنماؤں و دیگر کے خلاف 4 اکتوبر احتجاج کیس کی سماعت ہوئی۔ عدالت نے بانی پی ٹی آئی عمران خان کی بہنوں علیمہ خان اور عظمیٰ خان کے وارنٹ گرفتاری جاری کیے۔

یہ بھی پڑھیں:27ویں ترمیم پر صدر زرداری کو بھی اعتماد میں لیا، وزیر اعظم شہباز شریف

انسداددہشت گردی عدالت کے جج طاہر عباس سپرا نے مسلسل عدم پیشی پر علیمہ خان اور عظمیٰ خان کے وارنٹ گرفتاری جاری کیے۔ عدالت نے کیس کی مزید سماعت 22 نومبر تک ملتوی کردی۔

واضح رہے کہ 4 اکتوبر احتجاج کیس میں علیمہ خان اور عظمیٰ خان کے خلاف تھانہ کوہسار میں مقدمہ درج ہے۔