نیشنل پریس کلب اور روزنامہ صدائے سچ کی جانب سے سیکرٹری اطلاعات پنجاب سید طاہر رضا ہمدانی کو شیلڈ پیش، میڈیا و ثقافت کے فروغ پر خدمات کو خراجِ تحسین

لاہور (صدائے سچ نیوز) چیف ایڈیٹر روزنامہ صدائے سچ سید تبسم عباس شاہ نے سیکرٹری اطلاعات و ثقافت پنجاب سید طاہر رضا ہمدانی سے ملاقات کی۔

اس موقع پر میڈیا کی ترقی اور پنجاب میں ثقافت کے فروغ کے حوالے سے ان کی خدمات کے اعتراف میں نیشنل پریس کلب اور روزنامہ صدائے کی طرف سے انہیں شیلڈ پیش کی گئی۔

چندروز قبل نیشنل پریس کلب اور روزنامہ صدائے سچ کے اشتراک سے ریڈیو پاکستان اسلام آباد کے مہدی حسن آڈیٹوریم میں میں مختلف شعبہ ہائے زندگی میں نمایاں خدمات سر انجام دینے والی شخصیات کے اعزاز میں تقریب منعقد کی گئ۔ جس کے مہمانان گرامی سید قمر رضا نقوی چئیرمین اوورسیز پاکستانی فاؤنڈیشن کے اور وزیراعظم پاکستان یوتھ پروگرام کے فوکل پرسن سید ذیشان علی نقوی نے ان شخصیات میں ایوارڈز تقسیم کیے ۔

یہ بھی پڑھیں: حضرت لعل شہباز قلندر نے عشق ،رواداری اور خدمت خلق کا درس دیا ہے، سید قمر رضا نقوی

اس تقریب میں کچھ شخصیات شرکت نہیں کرسکیں جنکے اعزازات کا اعلان کیاگیا۔ سید طاہر رضا ہمدانی بھی اپنی سرکاری مصروفیات کی وجہ سے اس تقریب میں شریک نہیں ہوسکے ۔

اس تقریب میں سیکرٹری اطلاعات و ثقافت سے سید طاہر رضا ہمدانی کی صحافت اور صحافیوں کی ترقی کیلیے خدمات اور پنجاب میں ثقافتی سرگرمیوں کے فروغ کے حوالے سے انکی گراں قدر کو بھی سراہا گیا تھا۔

اس تقریب میں پرنسپل انفارمیشن آفیسر کے پریس انفارمیشن ڈیپارٹمنٹ مبشر حسن کو بیسٹ پی آر پروفیشنل کے ایوارڈ سے نوازا گیا ۔ بدھ کے روز ہونیوالی اس ملاقات میں میڈیا کمیونٹی کی طرف سے سیکرٹری اطلاعات کی خدمات کو سراہا گیا۔