PFUJ اور تیمار میڈیکل اینڈ کارڈیک ہسپتال میں معاہدہ، صحافیوں، اہلخانہ کو رعایتی طبی سہولتیں فراہم کی جائیں گی

راولپنڈی (صدائے سچ نیوز) پاکستان فیڈرل یونین آف جرنلسٹس (ورکرز) نے ہمیشہ صحافیوں کے حقوق اور فلاح و بہبود کے لیے عملی اقدامات کیے ہیں۔

آج اسی تسلسل میں پی ایف یو جے (ورکرز)نے تیمار میڈیکل اینڈ کارڈیک ہسپتال (پرائیویٹ) لمیٹڈ کے ساتھ ایک اہم یادداشتِ مفاہمت (MoU) پر دستخط کیے ہیں،جس کے تحت صحافیوں اور ان کے خاندانوں کو علاج معالجے کی مختلف سہولتوں پر خصوصی رعایتیں فراہم کی جائیں گی۔

یہ معاہدہ پی ایف یو جے (ورکرز) کی قیادت کی صحافیوں سے والہانہ محبت اور عملی خدمت کا ثبوت ہے، جو اپنے اراکین کے ساتھ ساتھ تمام صحافی برادری کے لیے فلاحی اقدامات کرنے میں ہمیشہ پیش پیش رہتی ہے۔رعایتی سہولتوں میں کارڈیالوجی، جنرل اور پلاسٹک سرجری، ایمرجنسی، آئی سی یو، لیبارٹری، ریڈیالوجی (ایکس رے، سی ٹی اسکین، ایم آر آئی، الٹراساؤنڈ)، او پی ڈی کنسلٹیشنز، فارمیسی، پیڈیاٹرکس، سائیکاٹری، اینستھیزیا، ای این ٹی، یورولوجی اور کووِڈ-19 پی سی آر ٹیسٹ سمیت متعدد خدمات شامل ہیں۔

معاہدے پر دستخط کرنے والوں میں تیمار میڈیکل اینڈ کارڈیک ہسپتال کی جانب سےمسٹر ارسلان طارق سیٹھی (سینئر ایگزیکٹو ڈائریکٹر)،ایئر کموڈور (ر) ایم اسد علی اکبر (ایگزیکٹو ڈائریکٹر)،مسٹر سید احمد کاظمی (ہیڈ آف بی ڈی اینڈ او پی ڈی)،جبکہ پی ایف یو جے (ورکرز) اور آر آئی یُو جے (ورکرز) کی جانب سےشاہد علی (سیکرٹری جنرل پی ایف یو جے ورکرز)،توصیف احمد (نائب صدر پی ایف یو جے ورکرز)،سید بلال عزت نقوی (سیکرٹری فنانس پی ایف یو جے ورکرز)،عبدالرزاق چشتی (سیکرٹری اطلاعات پی ایف یو جے ورکرز)،فرحان حسین جعفری، قایم مقام صدر آر آئی یُو جے (ورکرز)،ڈاکٹر محمد سجاد خان سینئر نائب صدر RIUJ ورکرز،محمد فائق سجاد(ہیڈ میڈیا افیئرز RIUJ ورکرز)،حسن رضا جوائنٹ سیکرٹری پی ایف یو جے ورکرز،منیب بخاری ایف ای سی ممبرپی ایف یو جے (ورکرز) کی قیادت نے اس موقع پر کہا کہ یہ معاہدہ صحافیوں کی صحت اور فلاح کے لیے ایک سنگِ میل ثابت ہوگا، اور اس سے درجنوں صحافی اور ان کے اہلِ خانہ رعایتی نرخوں پر معیاری طبی سہولیات سے مستفید ہو سکیں گے۔