برطانیہ کی قدیمی مسجد و امام بارگاہ، شیعہ اسلامک سنٹر بلیک برن کی سالانہ جنرل میٹنگ، سید شفاعت حسین شاہ بلا مقابلہ صدر منتخب

بلیک برن (صدائے سچ نہوز) برطانیہ کی قدیمی مسجد و امام بارگاہ، شیعہ اسلامک سنٹر، بلیک برن میں ۲۸ ستمبر بروز اتوار سالانہ جنرل میٹنگ منعقد کی گئی جس میں کمیونٹی کی کثیر تعداد نے شرکت کی

سابقہ انتظامی کمیٹی صدر سید شفاعت حسین شاہ نے گذشتہ کارکردگی کا خلاصہ پیش کیا جسے شرکائے اجلاس نے سراہا اور مستقبل کی ضروریات کو مدِ نظر رکھتے ہوئے کمیونٹی سے مشاورت کی گئی اور تجاویز پیش کی گئیں

بعد ازاں اگلے دو سال کی انتظامی کمیٹی کے الیکشن منعقد کیے گئے جس میں ایک مرتبہ پھر سید شفاعت حسین شاہ پر بھرپور اعتماد کا مظاہرہ کرتے ہوئے اُنہیں بلا مقابلہ صدر منتخب کیا گیا اور دیگر کمیٹی ممبران سید نثار شاہ (چیف ایگزیکٹو)، سید صغیر حسین کاظمی (نائب صدر)، سید زاہد حسین شاہ (خزانچی)، سید واحد حسین شاہ (پریس سیکرٹری)، سید جابر شاہ (نائب خزانچی)، امتیاز علی (جنرل سیکرٹری)،صداقت علی (جائنٹ سیکرٹری) منتخب ہوئے۔

اختتامِ اجلاس پر دعا کی گئی کہ اللّہ تعالی زیرِ سرپستی مولا امامِ زمانہ (ع) کمیٹی اور ادارے سے وابستہ مومنین و مومنات کی توفیقاتِ خیر میں برکت عطا فرمائے اور یہ ادارہ ہمیشہ ولایت علی (ع) کی تبلیغ، فروغِ عزا و تحفظِ حرمتِ سادات کے لیے سرگرمِ عمل رہے .