ہو سکتا ہے نائب صدر جے ڈی وینس امریکا ایران بات چیت میں شریک نہ ہوں، ڈونلڈ ٹرمپ

واشنگٹن (صداۓ سچ نیوز) امریکی صدر ڈونلڈ ٹرمپ نے جنگ بندی سے متعلق مذاکرات کے حوالے سے کہا کہ ہو سکتا ہے نائب صدر جے ڈی وینس امریکا ایران بات چیت میں شریک نہ ہوں۔

امریکی اخبار سے گفتگو کرتے ہوئے صدر ٹرمپ نے کہا کہ ایران کے ساتھ آمنے سامنے مذاکرات جلد شروع ہوں گے، ہوسکتا ہے جے ڈی وینس سیکیورٹی وجوہات کی وجہ سے ایران بات چیت میں شریک نہ ہوں۔

اس سے قبل امریکی صدر ڈونلڈ ٹرمپ کا کہنا تھا کہ امریکا ایران کے ساتھ قریبی طور پر کام کرے گا، ہم ایران کے ساتھ محصولات اور پابندیوں پر بات کر رہے ہیں اور کریں گے۔

 ڈونلڈ ٹرمپ کا کہنا تھا ایران کے بارے میں یہ طے کیا گیا ہے وہاں نہایت مؤثر نظام حکومت کی تبدیلی ہوگی، ایران میں یورینئم افزودگی نہیں ہوگی، امریکا ایران کے ساتھ مل کر زمین میں دفن تمام نیوکلیئر ڈسٹ نکال کر ختم کرے گا۔

ان کا مزید کہنا تھا  کہ یہ معاملہ اب بھی اور پہلے بھی سیٹلائٹ کی انتہائی سخت نگرانی میں رہا ہے، 15نکات میں سے بہت سے پہلے ہی طے ہو چکے ہیں۔