اسرائیل کی لبنان پر شدید بمباری، شہریوں کو گھروں کو واپس نہ آنے کی وارننگ

بیروت (صداۓ سچ نیوز) لبنان میں اسرائیلی فوج کی جنگ بندی کی خلاف ورزیاں جاری ہیں۔ لبنان کے علاقے کفر کلا میں اسرائیلی طیاروں نے تازہ بمباری کی ہے۔

ترجمان صیہونی فوج کا کہنا ہے کہ کفرکلا میں ایک میزائل لانچر کو نشانہ بنایا، جنوبی لبنان کے شہریوں کو گھروں کو واپس نہ آنے کی وارننگ بھی دیدی ہے۔

یہ بھی پڑھیں: کراچی، مختلف علاقوں میں لوڈشیڈنگ 12 گھنٹوں سے تجاوز کرگئی

خبر ایجنسی کے مطابق صیہونی فوج نے کئی سرحدی علاقوں کے رہنے والوں کو واپسی سے روک دیا، لبنانی شہریوں کو دریائے لیطانی سے دور رہنے کی وارننگ جاری کردی گئی ہے۔

دوسری جانب حزب اللہ نے لبنانی حدود میں اسرائیلی کانوائے پر حملوں کا دعویٰ کیا ہے، ترجمان کے مطابق صیہونی فوج کی 8 گاڑیوں کو دھماکہ خیز مواد سے نشانہ بنایا، دھماکوں میں اسرائیلی فوج کی 4 بکتربند گاڑیاں تباہ ہوئی۔