محسن نقوی کی تہران میں ایرانی ہم منصب سے ملاقات، امن مذاکرات کی بحالی کے امکانات پر تبادلہ خیال

تہران (صداۓ سچ نیوز) وفاقی وزیرداخلہ  محسن نقوی ایران پہنچ گئے جہاں انہوں نے  ایرانی  ہم منصب اسکند مومنی سے ملاقات کی۔

ایرانی میڈیا کے مطابق محسن نقوی اور  ایرانی وزیر داخلہ کی ملاقات  میں  ایران پاکستان تعلقات اور امن مذاکرات کی بحالی کے امکانات  پر تبادلہ  خیال ہوا۔

ایرانی میڈیا کے مطابق ملاقات میں باہمی دلچسپی کے  امور  بشمول علاقائی امن  اور تازہ علاقائی صورتحال پرگفتگو کی گئی۔

یہ بھی پڑھیں: اماراتی اور روسی صدر کا رابطہ، اسٹریٹجک شراکت داری مضبوط بنانے پر تبادلہ خیال

ایرانی وزیرداخلہ  نے علاقائی امن واستحکام کے لیے پاکستان کے تعمیری کردار کی تعریف کی۔

ایرانی میڈیا کے مطابق  ایرانی  وزیرداخلہ  نے امریکا کے ساتھ تنازع کے حل کے لیے فیلڈ مارشل سید عاصم منیر  کی کوششوں کو سراہا۔