ایس پی اسلام آباد عدیل اکبر نے خود کشی کر لی

اسلام آباد (صدائے سچ نیوز) اسلام آباد کے علاقے آئی 9 کے پولیس افسر ایس پی عدیل اکبر نے خود کو گولی مار کر خود کشی کر لی ۔

تفصیلات کے مطابق ایس پی آئی 9 عدیل اکبر نے سرینہ چوک کے قریب اپنی ہی پستول سے خود کو گولی مار لی تھی، جس کے نتیجے میں وہ شدید زخمی ہو گئے تھے۔ واقعے کے فوری بعد انہیں تشویشناک حالت میں پمز اسپتال منتقل کیا گیا، جہاں وہ زیرِ علاج تھے لیکن وہ زخموں کی تاب نہ لاتے ہوئے انتقال کر گئے ، ایس پی عدیل اکبر نے خود کو سینے پر گولی ماری ۔

پولیس نے اےایس پی کےآپریٹر مزمل شاہ کو حراست میں لے لیا ، اے ایس پی عدیل اکبر کا تعلق ضلع گجرات سے تھا اور ان کی ایک سالہ ننھی بیٹی بھی ہے ، عدیل اکبر کا تعلق پولیس سروس آف پاکستان کے 46ویں کامن سے تھا،اے ایس پی عدیل اکبراسلام آبادپولیس میں بطورایس پی آئی 9 تعینات تھے۔