پاکستان
سندھ میں فورتھ شیڈول میں شامل افرادکی تعداد 149 ہوگئی
سندھ (صدائے سچ نیوز)سندھ کے مختلف اضلاع میں انسداد دہشت گردی ایکٹ 1997 کے تحت فورتھ شیڈول کی لسٹ میں شامل افراد کی تعداد 149 ہو گئی ہے جبکہ سی ٹی ڈی کی جانب سے مزید 16 افراد کے نام فورتھ شیڈول کی لسٹ میں شامل کرنے سفارش بھی کر دی گئی ہے۔ان میں سے 25 افراد اس وقت جیل میں ہیں۔
سی ٹی ڈی کے مطابق اس وقت کراچی کے ضلع سینٹرل میں فورتھ شیڈول میں شامل افراد کی تعداد 17 ہے۔ ضلع ایسٹ میں 32 ،ویسٹ میں 23 ،ساؤتھ میں 2 ، کورنگی میں 10،کیماڑی میں 4، سٹی میں 13 اور ضلع ملیر میں فورتھ شیڈول میں شامل افراد کی تعداد 4 ہے۔
ضلع بدین میں 2، حیدرآباد میں 3، دادو میں 2، جیکب آباد میں 7، جامشورو میں 2، قمبر میں 5، کشمور میں 2، خیرپور میں 1، لاڑکانہ میں 6، نوشہرو فیروز میں 5، سانگھڑ میں 2، شکارپور میں 1، سکھر میں 5 اور ضلع سجاول میں فورتھ شیڈول میں ایک شخص شامل ہے۔
سی ٹی ڈی کے مطابق 149 میں سے 25 افراد اس وقت جیل میں اور 13 مسنگ ہیں جبکہ 6 افراد ہیں۔
فورتھ شیڈول کی فہرست میں ایسے افراد کے نام ڈالے جاتے ہیں جن پر انسداد دہشت گردی ایکٹ 1997 کے تحت دہشت گردی ،دہشت گردی کی سہولت کاری ،فرقہ واریت پھیلانے کا شبہ ہو یا پھر ان کا تعلق کالعدم جماعتوں یا پھر مشکوک افراد کے ساتھ ہو۔
ان کے قومی شناختی کارڈ منسوخ اور بینک اکاوئنٹس منمجد کیے جاتے ہیں۔ جائیداد،گاڑی، زمین کی فروخت اور بیرون ملک سفر پر پابندی ہوتی ہے۔
ڈسٹرکٹ انٹیلیجنس کمیٹی( ڈی آئی سی ) کی سفارش پر محکمہ داخلہ سندھ ان افراد کا نام انسداد دہشت گردی ایکٹ 1997 کے تحت فورھ شیڈول میں شامل کرتا ہے۔ ایک فرد کا نام تین سال کے لیے فورتھ شیڈول میں شامل کیا جاتا ہے۔
فورتھ شیڈول میں شامل افراد متعلقہ تھانے میں ہر ہفتے جبکہ سی ٹی ڈی میں ہر ماہ اپنی حاضری لگاتے ہیں اور سی ٹی ڈی اس لسٹ میں شامل افراد کی مانیٹرنگ اور سرویلنس کرتی ہے۔ان کی موبائل لوکیشن کو مانیٹر کرنے کے ساتھ ساتھ اچانک ان کے گھروں پر جا کر بھی ان کی سرگرمیوں پر نظر رکھی جاتی ہے۔ان کے روٹ کی مانیٹرنگ بھی کی جاتی ہے۔
اگر محکمہ داخلہ کی اجازت سے اس لسٹ میں شامل کوئی شخص ملازمت کر رہا ہے تو وہ اپنا روٹ پولیس کو بتاتا ہے۔ اگر اس روٹ سے ہٹ کر وہ کسی جگہ جاتا ہے تو اس کی بھی مانیٹرنگ کی جاتی ہے۔ اس مقصد کے لیے سی ٹی ڈی نے ایک جدید سسٹم بنایا ہے اور ایسے افراد کا مکمل ڈیٹا بیس تیار کیا گیا ہے۔
تھانے میں غیر حاضری یا پابندیوں کی خلاف ورزی کی صورت میں ان افراد پر مقدمات بھی درج کیے جاتے ہیں اور پھر سے تین سال کے لیے ان کا نام اس لسٹ میں ڈال دیا جاتا ہے۔
دہشت گردی کے واقعات میں براہ راست ملوث ہونے ،دہشت گردوں کی سہولت کاری اور اشتعال انگیز تقریر کرنے میں ملوث افراد کے نام فورتھ شیڈول میں شامل کیے جاتے ہیں۔
تھانے کی حدود سے باہر جانے،کسی جنازے میں شرکت کرنے اور اسپتال جانے سے پہلے انھیں مقامی تھانے کو آگاہ کرنا ہوتا ہے۔ ان افراد پر پبلک مقامات پر جانے اور جلسے جلوسوں میں شرکت پر بھی پابندی ہوتی ہے جبکہ ان کے آئی ڈی کارڈ، بینک اکاؤنٹ، پاسپورٹ،کریڈٹ کارڈ اور اسلحہ لائسنس بھی فریز ہوتے ہیں۔
اگر کسی کو ملازمت کرنی ہے اور بینک اکاؤنٹ سے تنخواہ نکالنی ہے تو وہ ڈسٹرکٹ انٹیلیجنس کمیٹی ( ڈی آئی سی ) کو درخواست دیتا ہے جس کے بعد اس کا کیس محمکہ داخلہ کو بھیجا جاتا ہے اور وہاں سے اجازت ملنےکے بعد اسے اکاؤنٹ سے پیسے نکالنےکی اجازت دی جاتی ہے۔
سی ٹی ڈی کے مطابق تھانے میں غیر حاضری یا پابندیوں کی خلاف ورزی کرنے پر سال 2025 میں 2 افراد جبکہ سال 2026 میں 6 افراد کے خلاف متعلقہ تھانوں میں مقدمات درج کیے گئے ہیں۔
-
برطانیہ اور یورپ8 مہینے agoاو پی ایف چیئرمین سید قمر رضا کے اعزاز میں پرتکلف افطار ڈنر، اوورسیز کمیونٹی کو اتحاد کا پیغام
-
پاکستان8 مہینے agoحکومت نے پٹرولیم مصنوعات کی قیمتوں میں مزید اضافہ کر دیا
-
پاکستان11 مہینے agoاہلیان نورپور شاہاں بری امام کی بے دخلی عدالت عالیہ کے فیصلے کی خلاف ورزی، چیئرمین عوام دوست گروپ تنویر عباسی
-
پاکستان9 مہینے agoسونے کی قیمت میں بڑا اضافہ
-
پاکستان1 سال agoاسلام آباد پولیس کا نیشنل پریس کلب پر دھاوا، صحافیوں پر بدترین تشدد، انسانی حقوق تنظیموں کی مذمت
-
ایکسکلوسِو1 سال agoانٹیلی جنس ایجنسیوں کے5 نامزدافسران پر اعتراضات، بیرون ملک پریس قونصلر، اتاشیوں کی پوسٹنگ کامعاملہ لٹک گیا
-
پاکستان9 مہینے agoپیرکوعام تعطیل کا اعلان
-
پاکستان2 مہینے agoسونے کی قیمت میں بڑا اضافہ

