افغان طالبان کی بلااشتعال جارحیت پر پاکستان کی جوابی کارروائیاں، آپریشن غضب للحق جاری

اسلام آ باد (صداۓ سچ نیوز ) افغان طالبان رجیم کی بلااشتعال جارحیت کے جواب میں پاکستان کی مسلح افواج نے بھرپور اور ہدفی کارروائیاں جاری رکھی ہوئی ہیں۔

پاکستانی سیکیورٹی ذرائع کے مطابق مہمند سیکٹر کے قریب واقع افغان چیک پوسٹ کومکمل طور پرتباہ کردیا گیا جبکہ سیکیورٹی ذرائع کا کہنا ہے کہ یہ کارروائی ملکی سلامتی اور بلا اشتعال جارحیت کے خلاف کی گئی ہے۔

ذرائع کے مطابق پاکستانی سیکیورٹی فورسزصرف افغان فوجی اہداف کو نشانہ بنا رہی ہیں اورشہری یا غیرجنگی علاقوں کو نقصان سے محفوظ رکھا جا رہا ہے۔

آپریشن کا نام ’’غضب للحق‘‘ رکھا گیا ہے اوراسے اپنے مقررہ اہداف حاصل ہونے تک جاری رکھنے کا عزم کیا گیا ہے اس اقدام کا مقصد دہشت گردی کے خطرات کو محدود کرنا اورسرحدی علاقوں میں امن قائم رکھنا ہے۔

سیکیورٹی ذرائع نے بتایا کہ آپریشن میں زمینی اورفضائی دونوں شعبوں کی ہم آہنگ کارروائی کی جا رہی ہے اورکارروائی کے دوران تمام اقدامات قومی اور بین الاقوامی قوانین کے مطابق کیے جا رہے ہیں، پاکستان کی افواج ملکی سلامتی کے لیے ہر ممکن اقدامات کرنے کے لیے تیار اور پرعزم ہیں۔

یہ کارروائیاں افغان سرزمین سے پاکستان کی سرحدوں کی خلاف ورزی کرنے والے دہشت گرد عناصر کو واضح پیغام دینے کے لیے کی جا رہی ہیں کہ کسی بھی جارحیت کا جواب فوری اور مؤثر انداز میں دیا جائے گا۔