پاک افغان کشیدگی ، طورخم سے افغان پناہ گزینوں کی واپسی کا عمل معطل

اسلام آباد (صداۓ سچ نیوز) پاک افغان کشیدگی کے باعث طورخم سرحدی گزرگاہ سے افغان پناہ گزینوں کی وطن واپسی کا عمل معطل کر دیا گیا ہے۔

ضلعی انتظامیہ خیبر کے ذرائع کے مطابق سرحدی صورتحال کشیدہ ہونے کے بعد نقل و حرکت روک دی گئی ہے۔

ذرائع کا کہنا ہے کہ افغان فورسز کی فائرنگ کے باعث طورخم سرحدی گزرگاہ ٹرمینل میں کھڑی افغان پناہ گزینوں کی درجنوں گاڑیوں کو گزشتہ رات حفاظتی اقدام کے طور پر لنڈی کوتل منتقل کر دیا گیا۔

انتظامیہ کا کہنا ہے کہ کام کے مطابق حالات معمول پر آنے تک وطن واپسی کا سلسلہ معطل رہے گا۔ صورتحال پر مسلسل نظر رکھی جا رہی ہے اور حالات بہتر ہوتے ہی واپسی کا عمل دوبارہ شروع کیا جائے گا۔