گلگت بلتستان انتخابات، مسلم لیگ ق کے امیدواروں کو پارٹی ٹکٹ جاری

گلگت بلتستان (صداۓ سچ نیوز) مسلم لیگ قائد اعظم نے گلگت بلتستان کے انتخابات کے لیے اپنے امیدواروں کو ٹکٹ جاری کر دیے۔

مسلم لیگ ق کے ترجمان نے کہا ہے کہ جماعت کے پارلیمانی بورڈ کے اراکین نے گلگت، اسکردو کا دورہ بھی کیا۔

صوبائی صدر دلفراز خان نے مرکزی قیادت کو گلگت بلتستان الیکشن کی تیاریوں سے آگاہ کیا۔

ترجمان کا کہنا ہے کہ جی بی اے 1 گلگت سے دلفراز خان امیدوار ہیں۔

جی بی اے 2 سے عاصم خان پارٹی امیدوار ہوں گے جبکہ جی بی اے 3 گلگت سے محمد شریف کو مسلم لیگ ق کا ٹکٹ جاری کیا گیا ہے۔

جی بی اے 5 نگر 1 سے عابد حسین، جی بی اے 6 ہنزہ ون سے خاتون امیدوار خوشنور دیدار جماعت کی نمائندگی کریں گی۔

ترجمان نے بتایا کہ جی بی اے 8 اسکردو 2 سے کیپٹن (ر) سکندر علی پارٹی امیدوار نامزد ہوئے ہیں جبکہ جی بی اے 12 شگر ون سے کیپٹن (ر) مہدی خان کو ٹکٹ جاری کیا گیا ہے۔

جی بی اے 14 استور 2 سے غضنفر اکرم خان کو امیدوار نامزد کیا گیا ہے۔

جی بی اے 19 غذر 1 سے شیر عالم گزری امیدوار نامزد ہوئے ہیں، جی بی اے 20 غذر 2 سے بختاور شاہ کو پارٹی ٹکٹ جاری کیا گیا ہے۔

ترجمان مسلم لیگ ق نے یہ بھی کہا ہے کہ جی بی اے 21 غذر 3 سے تاجور حسین امیدوار ہوں گے جبکہ جی بی اے 24 گانچھے 3 سے شیخ الطاف حسین کو مسلم لیگ ق کا امیدوار نامزد کیا گیا ہے۔