شام میں روسی اڈے دوبارہ منظم کرے سے متعلق مفاہمتی یادداشت طے

دمشق (صداۓ سچ نیوز) شام میں روسی اڈوں کی موجودگی پر مفاہمتی یادداشت طے پاگئی۔

عالمی خبرایجنسی نے شامی وزارت خارجہ کے حوالے سے لکھا کہ 18 ماہ کی طویل گفت و شنید کے بعد ایم او یو پر اتفاق ہوا، شامی ساحلی علاقوں پر روسی اڈوں کو دوبارہ منظم کیا جائے گا۔

اس معاہدے میں شہری سہولیات کا انتظام شامی حکومت کے سپرد کرنا اور روسی فوجی اڈوں کو مشترکہ تربیتی مراکز میں تبدیل کرنا شامل ہے۔ معاہدے کے ذریعے حمیمیم اور طرطوس میں موجود روسی تنصیبات کی مستقبل کی حیثیت کا تعین کیا گیا ہے۔

اس مفاہمت کی یادداشت کے تحت، شام شہری مقاصد کے لیے مختص تنصیبات جن میں حمیمیم ہوائی اڈہ اور طرطوس بندرگاہ پر چوتھی کمرشل برتھ شامل ہیں، کا انتظام سنبھال لے گا، جس سے انہیں بتدریج ملک کے شہری انتظامی ڈھانچے میں ضم کرنے کی راہ ہموار ہوگی۔

دونوں فریقین نے فی الحال فوجی مقاصد کے لیے استعمال ہونے والی تنصیبات کے کردار کو بھی نئے سرے سے متعین کرنے پر اتفاق کیا ہے، اس کے تحت روسی فوجی اڈوں کو مشترکہ تربیت اور اہلیت کے مراکز میں تبدیل کیا جائے گا تاکہ دونوں ممالک کے مفادات کا تحفظ یقینی بنایا جاسکے۔

وزارت کے مطابق، اس منتقلی کے عمل کو مکمل کرنے کے لیے زیادہ سے زیادہ تین ماہ کی مہلت مقرر کی گئی ہے، جس کے بعد نئے انتظامات کا اطلاق شروع ہو جائے گا۔