Connect with us

پاکستان

مؤثر عالمی کردار کے لیے پاکستان کے آئین اور بین الاقوامی قانون کی تفہیم ناگزیر ہے، احمر بلال صوفی

IIUI Lecture on Public Policy

اسلام آباد (صدائے سچ نیوز) پاکستان کی آئینی شناخت، بین الاقوامی قانون سے وابستگی اور عالمی سطح پر اس کی ذمہ داریوں کے حوالے سے نوجوانوں کا آگاہ ہونا اور علمی پختگی کے ساتھ وسیع تر علمی مکالمے میں شامل ہونا ضروری ہے۔ ملک کی آئینی بنیادوں، بین الاقوامی ذمہ داریوں اور مختلف حوالوں سے اس کے ممکنہ کردار کو سمجھنا عصرِ حاضر میں پاکستان کےعالمی کردار کے بارے میں متوازن اور باخبر نقطۂ نظر تشکیل دینے کے لیے ضروری ہے۔

ان خیالات  کا اظہار انسٹی ٹیوٹ آف پالیسی اسٹڈیز (آئی پی ایس)، اسلام آباد اور بین الاقوامی اسلامی یونیورسٹی اسلام آباد کے اشتراک سے منعقدہ لیکچر سیریز کے دوسرے لیکچر میں کیا گیا۔ ’’ آئین، ریاست اور عالمی ذمہ داری سے متعلق پاکستانی تناظر‘‘کے عنوان سے منعقدہ یہ لیکچر عوامی پالیسی، قومی شناخت اور تزویراتی فکر کے موضوعات پر جاری لیکچر سیریز کا حصہ تھا۔ تقریب کا اہتمام فیصل مسجد سے ملحق علامہ اقبال آڈیٹوریم میں کیا گیا تھا۔  کلیدی مقرر معروف ماہرِ قانون اور سابق وفاقی وزیر برائے قانون، انصاف و پارلیمانی امور احمر بلال صوفی  تھے، جو وہ آئی پی ایس کی قومی مشاورتی کونسل کے رکن بھی رہ چکے ہیں۔

افتتاحی کلمات میں اسلامی یونیورسٹی میں کلیہ سماجی علوم کے ڈین پروفیسر ڈاکٹر منظور خان آفریدی نے ریاست، آئینی امور، پارلیمانی معاملات اور پاکستان کی عالمی ذمہ داریوں سے متعلق عصرِ حاضر کی بحث میں موضوع کی اہمیت کو اجاگر کیا۔

کلیدی خطاب کرتے ہوئے احمر بلال صوفی نے قومی اور بین الاقوامی معاملات کا باخبر اور غیر جانب دارانہ تجزیہ کرنے کی اہمیت پر زور دیا۔ انہوں نے پاکستان کی آئینی شناخت سے متعلق مباحث کا جائزہ لیتے ہوئے ۱۹۷۳ ءکے آئین کا حوالہ دیا اور کہا کہ اس آئین نے پاکستان کی اسلامی جمہوری شناخت کو مزید مستحکم کیا اور اس کردار کے تحفظ کے لیے اسلامی نظریاتی کونسل اور وفاقی شرعی عدالت جیسے ادارے قائم کیے۔

بین الاقوامی قانون کے حوالے سے انہوں نے حقِ دفاع ، مساوات اور معاہداتی ذمہ داریوں کی تکمیل سمیت بعض بنیادی اصولوں کی مسلسل اہمیت کو اجاگر کیا۔ انہوں نے کہا کہ بین الاقوامی قانون کی پاسدار ریاستیں عالمی نظام میں قائدانہ کردار ادا کر سکتی ہیں۔ اس منظر نامے میں پاکستان اپنے جغرافیائی محل وقوع، امن سے وابستگی کی آئینہ دار تاریخ اور ثقافتی تنوع  کی بنیاد پر ایک ایسی ممکنہ عالمی قوت ہے جو  متعدد مواقع پر ترقی پذیر ممالک کی سرکردگی کر چکا ہے۔  انہوں نے طلبہ پر زور دیا کہ وہ اپنی علمی تعلیم کو موجودہ حالات اور عالمی پیش رفت سے جوڑیں، نئے خیالات کو فروغ دیں اور عالمی سطح پر کردار ادا کرنے کے لیے خود کو تیار کریں۔

اختتامی کلمات میں چیئرمین آئی پی ایس خالد رحمان نے قومی شناخت کے اظہار کے طور پر اردو زبان کو علمی اور فکری مکالموں کی زبان بنانے پر زور دیا۔ موجودہ دنیا کو درپیش مسائل کا ذکر کرتے ہوئے انھوں نے ایک ایسے عالمی نظام کی ضرورت کو اجاگر کیا جس کی بنیاد انسانی اقدار اور ہدف تعمیری انداز میں تمام اقوام اور ممالک کو ایک دوسرے کے قریب لانا ہو۔ جنرل اسمبلی کے حالیہ اجلاس میں سیکرٹری جنرل انتونیو گوئترس کے خطاب کا حوالہ دیتے ہوئے طاقت کی بنیاد پر عالمی امور نمٹانے کی سوچ کو تشویش ناک قرار دیتے ہوئے عوامی بیداری پر زور دیا۔

عالمی امور میں ہونے والی حالیہ تبدیلیوں کا حوالہ دیتے ہوئے خالد رحمٰن نے طلبہ کو اقوام متحدہ میں ہونے والی پیش رفت پر نظر رکھنے اور عالمی طاقت کے بدلتے ہوئے رجحانات کو سمجھنے کی ترغیب دی۔ انہوں نے نئے معاشی، سیاسی اور تکنیکی مراکز کے ابھرنے، غیر ریاستی و نجی عناصر کے بڑھتے ہوئے اثر و رسوخ اور مصنوعی ذہانت کی بڑھتی ہوئی اہمیت کا ذکر کیا۔ انہوں نے کثیر قطبی عالمی نظام کی جانب پیش رفت کا بھی حوالہ دیا اور کہا کہ بین الاقوامی مسابقت لازماً تنازع کا باعث نہیں بنتی، بشرطیکہ استحکام اور تعاون کے لیے مؤثر ڈھانچے موجود ہوں۔

لیکچر کے بعد سوال و جواب کا تفصیلی سیشن ہوا، جس میں طلبہ اور دیگر شرکا نے لیکچر میں زیرِ بحث آنے والے موضوعات پر سوالات کیے اور تبادلۂ خیال کیا۔

Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

یہ بھی پڑھیں

noodles noodles
پاکستان6 گھنٹے ago

لاہور، مبینہ طور پر زہریلے نوڈلز کھانے سے 2 بچیاں جاں بحق

لاہور( صدائے سچ نیوز)لاہور کے نواحی علاقے رانا ٹاؤن، فیروز والہ میں مبینہ طور پر زہریلے نوڈلز کھانے سے دو...

KARACHI WINTER KARACHI WINTER
پاکستان6 گھنٹے ago

کراچی میں سردی کی دستک، درجہ حرارت میں کمی ریکارڈ

کراچی ( صدائے سچ نیوز) کراچی میں درجہ حرارت 2 ڈگری کمی کے بعد 16.6 سینٹی گریڈ پر پہنچ گئی...

rescue rescue
پاکستان6 گھنٹے ago

کراچی، لوڈنگ ٹرک نے متعدد موٹرسائیکلوں، گاڑیوں کو ٹکر ماردی، 2 افراد جاں بحق، 6 زخمی

کراچی ( صدائے سچ نیوز)کراچی کے علاقے گلشنِ اقبال حسن اسکوائر کے قریب لوڈنگ ٹرک نے بے قابو ہوکر متعدد...

Rana-Sanaullah Rana-Sanaullah
پاکستان6 گھنٹے ago

نئے صوبوں کا معاملہ جتنا متنازع بنادیا گیا ہے اس کا حل ریفرنڈم میں ہی ہے، رانا ثنااللہ

اسلام آباد( صدائے سچ نیوز)وفاقی وزیر برائے بین الصوبائی رابطہ اور  وزیراعظم کے مشیر برائے سیاسی امور  رانا ثنا اللہ...

molana-fazal-and-faisal-kundi molana-fazal-and-faisal-kundi
پاکستان6 گھنٹے ago

مولانا فضل الرحمان کو سیکیورٹی تھریٹ ہے تو سیکیورٹی لازمی فراہم کرنی چاہیے، فیصل کریم کنڈی

خیبرپختونخوا ( صدائے سچ نیوز) خیبرپختونخوا کے گورنر فیصل کریم کنڈی نے کہا ہے کہ جمعیت علمائے اسلام پاکستان کے سربراہ...

iran-president iran-president
تازہ ترین7 گھنٹے ago

عوام سے ایندھن بچت کی اپیل, میں خود ہیٹر نہیں چلاتا، جیکٹ پہن کر سوتا ہوں، ایرانی صدر

تہران ( صدائے سچ نیوز)ایران کے صدر مسعود پزشکیان نے شہریوں سے توانائی اور ایندھن کی بچت کی اپیل کرتے ہوئے...

imran khan imran khan
پاکستان7 گھنٹے ago

تحریک انصاف نے نئے صوبوں پر ریفرنڈم کی حمایت کو بانی پی ٹی آئی کی منظوری سے مشروط کردیا

اسلام آباد ( صدائے سچ نیوز)پاکستان تحریک انصاف نے نئے صوبوں یا انتظامی یونٹس کیلیے ممکنہ ریفرنڈم کی حمایت کو بانی...

database hack database hack
تازہ ترین7 گھنٹے ago

ایف بی آئی کا مجرموں کی معلومات کا اہم ڈیٹا بیس ہیک ہوگیا

واشنگٹن ( صدائے سچ نیوز)امریکی نشریاتی ادارے سی این این کے مطابق ذرائع نے بتایا ہےکہ ہیکرز نے امریکا کو  مطلوب...

afzal butt pfuj afzal butt pfuj
پاکستان7 گھنٹے ago

صحافیوں کے حق میں قرارداد کی منظوری، افضل بٹ کا بلوچستان اسمبلی کے ارکان سے اظہار تشکر

کوئٹہ ( صدائے سچ نیوز)پاکستان فیڈرل یونین آف جرنلسٹ (پی ایف یو جے) کے صدر افضل بٹ نے بلوچستان اسمبلی...

f16 f16
تازہ ترین7 گھنٹے ago

ایران کا امریکی ایف 16 لڑاکا طیارے کو نشانہ بنانے کا دعویٰ

تہران( صدائے سچ نیوز)ایران نے فضائی دفاعی نظام کے ذریعے خلیج فارس پر امریکی ایف 16 طیارے کو میزائل سے...

Trending