یمنی فورسز نے باب المندب، ذوباب کا کنٹرول حاصل کرلیا

صنعا (صداۓ سچ نیوز) یمن میں سرکاری فورسز نے حوثیوں سے باب المندب کا کنٹرول دوبارہ حاصل کرلیا۔

یمن میں سرکاری فورسز کے مطابق حوثیوں کے ٹھکانوں پر حملوں میں 1700 سے زائد جنگجووں کو ہلاک کیا گیا۔

یمنی سرکاری فورسز کا کہنا ہے کہ ذوباب اور باب المندب میں اسٹریٹجک مقامات کا کنٹرول سنبھال لیا ہے، ذوباب میں موجود حوثی عناصر ہتھیار ڈال دیں۔

سعودی اتحاد کے مطابق یمن میں حوثیوں کےخلاف بڑے پیمانے پر آپریشن، فجر الیمن، پر عمل درآمد جاری ہے، آپریشن میں 100 فائٹرجیٹس نے حصہ لیا۔

سعودی اتحاد کے مطابق آپریشن میں 324 اہم ترین اہداف کو نشانہ بنایا، آبنائے باب المندب کے لیے فضائی تحفظ فراہم کر رہے ہیں، یمن میں زمینی فورسز کو ایئرکور فراہم کر رہے ہیں۔