سپریم کورٹ کے جج جسٹس سید منصور علی شاہ ، جسٹس اطہر من اللہ نے استعفیٰ دے دیا

اسلام آباد (صدائے سچ نیوز) سپریم کورٹ آف پاکستان کے جج جسٹس سید منصور علی شاہ اور جسٹس اطہر من اللہ نے استعفیٰ دے دیا۔

جسٹس منصور علی شاہ نے استعفیٰ صدر مملکت کو بھجوا دیا، جس میں انہوں نے لکھا کہ میں نے ادارے کی عزت،ایمانداری اور دیانت کےساتھ خدمت کی،

میرا ضمیرصاف ہے اورمیرے دل میں کوئی پچھتاوانہیں،سپریم کورٹ کےسینئرترین جج کی حیثیت سےاستعفیٰ پیش کرتاہوں۔

انصاف عام آدمی سے دور،کمزور اور طاقت کے سامنے بےبس ہوگیا ہے ، جسٹس منصور علی شاہ نے اپنے استعفیٰ میں شعر بھی لکھا۔

یہ بھی پڑھیں: آرمی چیف اب چیف آف ڈیفنس فورسز بھی ہونگے، مدت 5 سال، قومی اسمبلی میں ترمیمی بل منظور

علاوہ ازیں سپریم کورٹ کے جسٹس اطہر من اللہ نے بھی اپنے عہدے سے استعفیٰ دے دیا،جسٹس اطہر من اللہ نے استعفے کا خط صدرِ مملکت کو ارسال کر دیا۔

خط میں انہوں نے لکھا کہ میں نے ہمیشہ آئینِ پاکستان سے وفاداری کا حلف لیا،گیارہ سال قبل اسلام آباد ہائیکورٹ کے جج کے طور پر حلف اٹھایا۔

میرے لیے پاکستان کے عوام کی خدمت کرنا بڑا اعزاز اور فخر کی بات رہی ہے،پاکستان کی عدلیہ کا حصہ بننا بھی سب سے بڑا اعزاز اور فخر کی بات رہی ہے۔

بھرپور صلاحیت کے مطابق اپنے فرائض آئینی حلف کے مطابق ادا کرنے کی کوشش کی،آج یہی وہ حلف ہے جو مجھے اپنا استعفیٰ دینے پر مجبور کر رہا ہے۔