معدنی شعبے میں عالمی سرمایہ کاری کے فروغ کے لیے مؤثر پالیسیوں اور شراکت داریوں کی ضرورت ہے، جام کمال خان

اسلام آباد (صداے سچ نیوز) وفاقی وزیر تجارت جام کمال خان نے کہا ہے کہ پاکستان کے معدنی ذخائر سے فائدہ اٹھانے، برآمدات بڑھانے اور روزگار کے مواقع پیدا کرنے کے لیے سرمایہ کار دوست پالیسیاں اور عالمی کمپنیوں کے ساتھ شراکت داری ضروری ہے۔

ووڈ میکنزی کے وفد سے ملاقات میں انہوں نے معدنی شعبے میں سرمایہ کاری، مشترکہ منصوبوں اور جدید ٹیکنالوجی کی منتقلی پر تبادلہ خیال کیا۔

وفاقی وزیر نے تانبے، لوہے، اینٹیمنی اور قیمتی پتھروں کے ذخائر کا ذکر کرتے ہوئے کان کنی کے آلات پر درآمدی ڈیوٹی میں کمی، مقامی پراسیسنگ اور ویلیو ایڈیشن کی اہمیت پر زور دیا۔

انہوں نے کہا کہ وفاقی و صوبائی تعاون، ٹیرف اصلاحات اور عالمی منڈیوں تک بہتر رسائی سے معدنی برآمدات میں اضافہ ممکن ہے۔ ملاقات میں پاکستان منرلز انویسٹمنٹ فورم کی تیاریوں پر بھی گفتگو ہوئی۔