Connect with us

پاکستان

اسلام آباد میں مردہ اور حرام جانوروں کے گوشت کی فروخت کے واقعات کا مستقل خاتمہ جدید سلاٹر ہاؤس کے قیام سے ہی ممکن ہے، خورشید احمد قریشی

islamabad

اسلام آباد (صداے سچ نیوز) لائیو اسٹاک اینڈ ڈیری ڈویلپمنٹ بورڈ کے دفتر میں ایک اہم اجلاس منعقد ہوا، جس کی صدارت بورڈ کے چیف ایگزیکٹو آفیسر ڈاکٹر شاہد امین نے کی۔ اجلاس میں آل پاکستان جمعیت القریش میٹ ویلفیئر ایسوسی ایشن کے صدر اور ممبر لائیو اسٹاک اینڈ ڈیری ڈویلپمنٹ بورڈ خورشید احمد قریشی، ممبر بورڈ آف ڈائریکٹرز جناب جمیل میمن،جمعیت القریش میٹ ویلفیئر ایسوسی ایشن کے جنرل سیکرٹری و نائب صدر اسلام آباد چیمبر آف سمال ٹریڈرز اینڈ سمال انڈسٹریز سردار ظہیر احمد ڈاکٹر یاسر اور ڈاکٹر طاہر نے شرکت کی۔

اجلاس میں اسلام آباد میں جدید ترین اسٹیٹ آف دی آرٹ سلاٹر ہاؤس کی تعمیر کے حوالے سے تفصیلی تبادلہ خیال کیا گیا۔ اس موقع پر خورشید احمد قریشی نے سوال اٹھایا کہ جب سی ڈی اے کے ماسٹر پلان میں اسلام آباد کے سیکٹر آئی الیون فور (I-11/4) میں سلاٹر ہاؤس کی تعمیر شامل ہے تو پھر اس اہم منصوبے پر عمل درآمد کیوں نہیں کیا جا رہا؟ منصوبے میں مسلسل تاخیر کی وجوہات کیا ہیں اور اس کی راہ میں رکاوٹیں پیدا کرنے والے عناصر کون ہیں؟ انہوں نے مطالبہ کیا کہ منصوبے میں تاخیر کے ذمہ داران کا تعین کیا جائے، ان سے جواب طلب کیا جائے اور غیر ضروری تاخیری حربوں کا فوری سدباب کیا جائے۔

خورشید احمد قریشی نے کہا کہ اسلام آباد کے تقریباً 30 لاکھ شہریوں کو صاف، معیاری، محفوظ اور تصدیق شدہ حلال گوشت کی فراہمی ان کا بنیادی حق ہے۔ افسوس ناک امر یہ ہے کہ شہر میں مردہ جانوروں، حرام جانوروں اور مضرِ صحت گوشت کی فروخت کے واقعات مسلسل تشویش کا باعث بن رہے ہیں۔ گزشتہ روز بھی فوڈ اتھارٹی کی کارروائی کے دوران اطلاعات کے مطابق تقریباً 800 کلوگرام مضرِ صحت، مردہ اور حرام جانوروں کا گوشت جبکہ بعض زندہ حرام جانور بھی برآمد کیے گئے۔ یہ واقعات متعلقہ اداروں کی کارکردگی اور موجودہ نظام پر سنجیدہ سوالات اٹھاتے ہیں۔

انہوں نے صدر مملکت جناب آصف علی زرداری، وزیراعظم پاکستان جناب میاں محمد شہباز شریف اور وفاقی وزیر داخلہ جناب سید محسن نقوی سے پرزور مطالبہ کیا کہ اسلام آباد کے سیکٹر آئی الیون فور میں سی ڈی اے کے ماسٹر پلان کے مطابق فوری طور پر جدید ترین اسٹیٹ آف دی آرٹ سلاٹر ہاؤس تعمیر کیا جائے، جہاں جانوروں کی طبی جانچ، حفظانِ صحت کے اصولوں کے مطابق ذبح، گوشت کی مکمل تصدیق، صفائی ستھرائی اور سرکاری نگرانی میں گوشت کی ترسیل کا باقاعدہ نظام موجود ہو۔

خورشید احمد قریشی نے مزید کہا کہ جو عناصر مردہ جانوروں، حرام گوشت اور مضرِ صحت گوشت کی خرید و فروخت میں ملوث ہیں، انہیں کسی صورت رعایت نہ دی جائے۔ ایسے عناصر کے خلاف فوری مقدمات درج کرکے سخت ترین قانونی کارروائی کی جائے اور انہیں چوراہے پر سرعام عبرتناک سزا دینے کا مطالبہ کرتے ہیں تاکہ آئندہ کوئی شہریوں کی صحت اور زندگیوں سے کھیلنے کی جرأت نہ کر سکے۔ اس کے ساتھ ساتھ متعلقہ محکموں کے ان افسران اور اہلکاروں کا بھی احتساب کیا جائے جو اپنی ذمہ داریاں پوری کرنے میں غفلت یا لاپروائی کا مظاہرہ کر رہے ہیں۔

انہوں نے کہا کہ جب تک اسلام آباد میں جدید ترین اسٹیٹ آف دی آرٹ سلاٹر ہاؤس قائم نہیں کیا جاتا، غیر قانونی ذبح، مردہ جانوروں کے گوشت کی فروخت اور غیر معیاری گوشت کی سپلائی جیسے واقعات پر مستقل قابو پانا مشکل رہے گا۔ ان واقعات کے سدباب کا واحد مؤثر اور دیرپا حل آئی الیون فور میں جدید سلاٹر ہاؤس کا قیام ہے۔ حکومت اس اہم عوامیمنصوبے کو مزید تاخیر کا شکار کرنے کے بجائے فوری طور پر عملی جامہ پہنائے تاکہ اسلام آباد کے 30 لاکھ شہریوں کو محفوظ، صاف، معیاری اور تصدیق شدہ حلال گوشت کی فراہمی یقینی بنائی جا سکے۔

یہ بھی پڑھیں

Journalist Soban Iftikhar Raja Journalist Soban Iftikhar Raja
پاکستان2 گھنٹے ago

صحافی ثوبان افتخار راجہ کا نام فورتھ شیڈول میں شامل، صحافتی حلقوں میں شدید تشویش اور غم و غصہ

اسلام آباد (صدائے سچ نیوز) بین الاقوامی نشریاتی ادارے اردو نیوز سے منسلک نوجوان صحافی ثوبان افتخار راجہ کا نام...

islamabad-security islamabad-security
پاکستان3 گھنٹے ago

اسلام آباد میں سیکیورٹی ہائی الرٹ، راستوں پر چیکنگ سخت

اسلام آباد (صداۓ سچ نیوز) اسلام آباد پولیس نے کہا ہے کہ وفاقی دارالحکومت میں سیکیورٹی الرٹ کردی گئی ہے...

Kalar kahar region Kalar kahar region
پاکستان3 گھنٹے ago

سردار ذوالفقار علی خان کی سیاسی و سماجی شخصیت ملک فور دل کے انتقال پر اظہارِ تعزیت

کلر کہار( صدائے سچ) پاکستان پیپلز پارٹی کے اہم رہنما و سابق رکن قومی اسمبلی سردار ذوالفقار علی خان، راجہ...

Petrol and Diesel Prices Petrol and Diesel Prices
پاکستان3 گھنٹے ago

حکومت نے پیٹرول اور ڈیزل کی نئی قیمتوں کا اعلان کردیا

کراچی (صداۓ سچ نیوز) حکومت نے پیٹرول اور ڈیزل کی نئی قیمتوں کا اعلان کردیا۔ اوگرا کی جانب سے جاری...

Missiles Missiles
تازہ ترین4 گھنٹے ago

ایران کے جزیرہ قشم میں امریکا کا میزائل حملہ

تہران (صداۓ سچ نیوز) ایران کے جزیرہ قشم میں امریکا نے میزائل حملہ کیا ہے، میزائل حملے میں تاحال نقصان...

musadik-malik musadik-malik
پاکستان4 گھنٹے ago

وفاقی وزیر مصدق ملک کی قیادت میں پاکستانی وفد ایس سی او کے تہذیبی مکالمے میں شرکت کیلئے بھارت پہنچ گیا

نئی دلی (صداۓ سچ نیوز) وفاقی وزیر برائے موسمیاتی تبدیلی ڈاکٹر مصدق ملک کی قیادت میں پاکستانی وفد شنگھائی تعاون...

smog-in-lahore smog-in-lahore
تازہ ترین4 گھنٹے ago

اسموگ کے موسم میں پھیپھڑوں اور قوتِ مدافعت کا خیال کیسے رکھیں؟ مفید غذائیں کون سی ہیں؟

فضائی آلودگی انسانی صحت، بالخصوص پھیپھڑوں کے لیے سنگین خطرہ بن سکتی ہے۔ ایسے میں صرف صاف ماحول ہی نہیں...

islamabad (2) islamabad (2)
پاکستان4 گھنٹے ago

قرآنی معاہدات کا نظام قانون، انصاف اور معاشرتی ذمہ داریوں کی بنیاد ہے، مقررین

اسلام آباد (صداۓ سچ نیوز) مقررین نے کہا ہے کہ قرآن مجید میں بیان کردہ عہد و پیمان کا نظام...

Ahsan Tahir, Rabia Ahsan Murder Case. Ahsan Tahir, Rabia Ahsan Murder Case.
پاکستان5 گھنٹے ago

ربیعہ احسن قتل کیس، نامزد ملزم احسن طاہر اڈیالہ جیل سے رہا

راولپنڈی (صداۓ سچ نیوز) ربیعہ احسن قتل کیس میں ملزم احسن طاہر کو اڈیالہ جیل سے رہا کردیا گیا ہے۔ ...

firingpunjabpolice firingpunjabpolice
پاکستان5 گھنٹے ago

کراچی میں ملزم کی گرفتاری کیلیے پنجاب سے آئی پولیس پارٹی پر فائرنگ سے اے ایس آئی زخمی، ایک جاں بحق

کراچی (صداے سچ نیوز) کراچی کے علاقے سائٹ سپر ہائی وے میں قائم خادم سولنگی گوٹھ میں ملزم کی گرفتاری کیلیے...

Trending